影片
更多
2023-08-25
115 浏览
朋友生日，我哋拣咗旺角T.O.P.大将打边炉庆祝，今次食好少少，点咗个澳洲和牛牛小排•严选和牛胸腹肉，平日可以任食150分钟，生日仲可以免费升级无限时放题，又可以免费获赠是日精选手造蛋糕🥳🥳。 呢度系一人一锅，大家都可以拣自己钟意嘅汤底，汤底都有十多款，朋友拣咗个人气之选嘅花生沙嗲汤，我拣咗个海老浓汤完熟蕃茄🍅，望见个蕃茄汤底咁深色，都已经知道好浓啦，非常足料。 店员第一round 先送上澳洲和牛牛小排🐮、熊本猪梅花肉、昆布渍鸡肉，仲有好多唔同级数嘅牛肉，不过我哋主打就梗系食澳洲和牛牛小排。啲肉质都几嫩滑，牛味都好浓。 上完第一round之后，职员特别提醒我哋呢个餐除咗有肉类之外，仲可以拣海鲜，有日本带子、大八爪鱼、沙白、虾滑、水鱿、花胶、大蟹棒、杭州黑鱼片，个鱼片非常滑，一啲都唔腥。 出面自助吧有多种蔬菜、丸类🍡、炸物、拌菜可以自取。 甜品有软雪糕🍦，可以拣朱古力味、云尼拿味，又或者两沟都可以。之后仲可以加啲toppings同埋粟米片或者棉花糖。 自制窝夫一定要试🧇，啲蛋浆好香，整1分钟就食得啦！可以用个沙漏计时好方便。 仲有啲日式手工甜品，有玛德莲、泡芙、木糠布甸。 当然唔少得饮品
朋友生日，我哋拣咗旺角T.O.P.大将打边炉庆祝，今次食好少少，点咗个澳洲和牛牛小排•严选和牛胸腹肉，平日可以任食150分钟，生日仲可以免费升级无限时放题，又可以免费获赠是日精选手造蛋糕🥳🥳。
呢度系一人一锅，大家都可以拣自己钟意嘅汤底，汤底都有十多款，朋友拣咗个人气之选嘅花生沙嗲汤，我拣咗个海老浓汤完熟蕃茄🍅，望见个蕃茄汤底咁深色，都已经知道好浓啦，非常足料。
店员第一round 先送上澳洲和牛牛小排🐮、熊本猪梅花肉、昆布渍鸡肉，仲有好多唔同级数嘅牛肉，不过我哋主打就梗系食澳洲和牛牛小排。啲肉质都几嫩滑，牛味都好浓。
上完第一round之后，职员特别提醒我哋呢个餐除咗有肉类之外，仲可以拣海鲜，有日本带子、大八爪鱼、沙白、虾滑、水鱿、花胶、大蟹棒、杭州黑鱼片，个鱼片非常滑，一啲都唔腥。
出面自助吧有多种蔬菜、丸类🍡、炸物、拌菜可以自取。
甜品有软雪糕🍦，可以拣朱古力味、云尼拿味，又或者两沟都可以。之后仲可以加啲toppings同埋粟米片或者棉花糖。
自制窝夫一定要试🧇，啲蛋浆好香，整1分钟就食得啦！可以用个沙漏计时好方便。
仲有啲日式手工甜品，有玛德莲、泡芙、木糠布甸。
当然唔少得饮品任饮啦！除左有自助汽水机🥤、咖啡机，仲有鸿福堂支装饮品。
张贴
