Pheromone Dessert (已結業)

今完鸡煲就行过隔黎睇下有咩甜品食，见到呢间甜品店食紧生日优惠，6月生日免费任选一客甜品，但要收返加一。但留意同行朋友都要叫一客先可以啊。点左绿茶雪花冰（$55），雪花冰够冻，但绿茶味就淡左少少，有落左少少炼奶。如果佢落多少少炼奶应该味道会更好！不过值得一提既系，呢间舖头既红豆系好企理一粒粒无茸既，反而咁样配埋雪花冰食个口感仲好，有野咬下嘛。谷类早餐粟米片配雪花冰系唔会有错既，捞冰食一边冻一边脆，自我感觉良好。小丸子煮到够熟唔会好硬，但同个冰个味唔太衬。不过说实话，要我真金白银攞$60出黎食花个雪花冰，我就应该唔会食。份量一般，toppings唔多，亦无咩花巧。