影片
更多
2019-03-13
1389 浏览
Happy birthday to my colleagues🎂同事生日，又系有藉口食好啲嘅时间喇!! 今次同事拣咗喺九龙湾嘅呢间餐厅，其实佢前身系一间泰式半自助餐，试过都唔错架，不过佢转手之后就未嚟过食喇，今次就嚟会一会佢啦!!😛呢间餐厅嘅Menu都唔平，平均百几蚊一个set，仲要冇餐汤或者沙律，要加$18先有架。不过餐汤同沙律都其次，最紧要主菜够好食。今次我哋一行几人分别叫咗餐厅主打嘅龙虾包、忌廉鸡肉长通粉、素菜pizza，四式芝士pizza同埋牛肉汉堡。龙虾包因为系主打，所以质素唔错，个样同一般坊间嘅龙虾包无异，面包采用左烘过嘅厚方包🍞，中间夹左好多龙虾肉，个汁甜甜地，食落味道都唔错。佢配嘅薯条系我钟意嘅粗身薯条，食落有薯仔味，最初以为食一个包加薯条唔够饱，点知食落其实都好够㖞😋忌廉鸡肉长通粉虽然系普通菜式，但系要煮得好食又唔腻都唔容易。佢呢一款长通粉系属于多汁嘅类型，真系食每一啖都咁多汁，相信多汁怪一定好喜欢。不过我个人比较钟意偏干身嘅意粉菜式，呢一款就唔系咁特别吸引我啦。当然都要赞佢芝士落得重手，鸡又唔会好鞋，食落都几香嘅😊有惊喜嘅估唔到系素菜pizza，一上枱已经觉得个样都
同事生日，又系有藉口食好啲嘅时间喇!! 今次同事拣咗喺九龙湾嘅呢间餐厅，其实佢前身系一间泰式半自助餐，试过都唔错架，不过佢转手之后就未嚟过食喇，今次就嚟会一会佢啦!!😛
呢间餐厅嘅Menu都唔平，平均百几蚊一个set，仲要冇餐汤或者沙律，要加$18先有架。不过餐汤同沙律都其次，最紧要主菜够好食。
今次我哋一行几人分别叫咗餐厅主打嘅龙虾包、忌廉鸡肉长通粉、素菜pizza，四式芝士pizza同埋牛肉汉堡。
龙虾包因为系主打，所以质素唔错，个样同一般坊间嘅龙虾包无异，面包采用左烘过嘅厚方包🍞，中间夹左好多龙虾肉，个汁甜甜地，食落味道都唔错。佢配嘅薯条系我钟意嘅粗身薯条，食落有薯仔味，最初以为食一个包加薯条唔够饱，点知食落其实都好够㖞😋
忌廉鸡肉长通粉虽然系普通菜式，但系要煮得好食又唔腻都唔容易。佢呢一款长通粉系属于多汁嘅类型，真系食每一啖都咁多汁，相信多汁怪一定好喜欢。不过我个人比较钟意偏干身嘅意粉菜式，呢一款就唔系咁特别吸引我啦。当然都要赞佢芝士落得重手，鸡又唔会好鞋，食落都几香嘅😊
有惊喜嘅估唔到系素菜pizza，一上枱已经觉得个样都几靓仔，用木板上分开6分Pizza。Pizza系薄底脆口Pizza，配以三色灯笼椒、番茄🍅、菇类同芝士，再配埋番茄酱，呢个组合令你完全唔觉得自己食紧斋，食完仲觉得好满足添!!
四色芝士pizza一样都系薄身脆口饼底，虽然我食唔出𠮶四款芝士到底系乜嘢芝士，但系你都觉得成件事好配合，系好味嘅!! 都算打破咗我一贯对食斋Pizza嘅偏见🍕
最后另一个同事叫嘅牛肉汉堡相对就冇咁特别喇，不过都睇得出佢块汉堡够厚又有肉汁，都好吸引㗎。同事话有肉汁嘅汉堡再加生菜蕃茄食落都好fresh。
最后想讲下间餐厅嘅装修，我个人几钟意佢果幅蓝色墙同佢嘅波波灯，加上当日有啲阳光，餐厅好光猛，令人觉得好舒服。好嘅环境配不错嘅食物质素，我谂都仲有机会会返兜，不过如果价钱平翻啲就更好啦，而家九龙湾想平平哋食个lunch都唔系咁易呀😅
张贴
