影片
更多
2013-03-28
42 浏览
听天就要飞澳洲啦, 呢个星期好忙呀))) 忙咩?!! 咪忙执行李同最后确定行程啰!!! 仲要呢几个星期都Keep住有Tasting Events, 上个星期仲有2晚要去饮, 又有2晚要去上堂, 忙到连行李喼都系早几日先拎出o黎... (冒汗-ing)原本自己一早都计划咗出发前2星期内唔再去试食, 食完都冇时间写啦... 上星期二见到系法国菜, 仲要Fine Dining, 受唔住引诱, 杀埋!!! wakakaka... 好彩有去咋, 好味到吖... 之后向食友誓神劈愿话系出发前最后一餐, 点知... 星期二交完最后一份功课, 随即又再收到PR邀请... 哗!!! 「季季红」虾禾米乳香猪?!! 卖飞佛㖞!!! 数年前去朋友屋企拜年, 有朋友订咗呢只虾禾米乳香猪, 大家争相攞起骹剪扮剪猪影相, 只猪脆到呢, 至今仍然叫一众朋友回味, 实在太吸引喇, 加上PR话会有记者同摄影师做采访, 会于各大报章杂志刊登, WoW... 好劲咁㖞!!! 所以我最后都系受唔住诱惑, 居然出发前一晚都仲跑去试食!!! (癫-ed)餐厅位于湾仔道尚翘峰, 新楼盘前面系一大堆旧式路边街市摊档, 新旧共融, 甚有
原本自己一早都计划咗出发前2星期内唔再去试食, 食完都冇时间写啦... 上星期二见到系法国菜, 仲要Fine Dining, 受唔住引诱, 杀埋!!! wakakaka... 好彩有去咋, 好味到吖... 之后向食友誓神劈愿话系出发前最后一餐, 点知... 星期二交完最后一份功课, 随即又再收到PR邀请... 哗!!! 「季季红」虾禾米乳香猪?!! 卖飞佛㖞!!! 数年前去朋友屋企拜年, 有朋友订咗呢只虾禾米乳香猪, 大家争相攞起骹剪扮剪猪影相, 只猪脆到呢, 至今仍然叫一众朋友回味, 实在太吸引喇, 加上PR话会有记者同摄影师做采访, 会于各大报章杂志刊登, WoW... 好劲咁㖞!!! 所以我最后都系受唔住诱惑, 居然出发前一晚都仲跑去试食!!! (癫-ed)
餐厅位于湾仔道尚翘峰, 新楼盘前面系一大堆旧式路边街市摊档, 新旧共融, 甚有香港特色...
餐厅的装潢与名字吻合, 红!!! 红色的入口... 大红灯笼高高挂... 大红肥猪奉餐单... 用餐区更是红上加红, 如此浓厚的喜庆气氛, 长辈们肯定喜欢...
Reception旁边挂著好搞笑嘅「Cooking猪」Poster, Step-by-Step咁讲解点样煮出「虾禾米乳香猪」, 等位时睇吓可以消磨吓时间...今晚嘅主题系「季季红」即将会推出嘅「生日季季猪宴」, 用唔到20日大嘅乳猪仔取代传统生日蛋糕作贺寿之用, 系咪听见都流哂口水呢?!! 好, 去片!!!
未人齐, 先来前菜西芹甘荀猪耳朵, 个人o黎讲, 唔食猪耳仔, 所以讲唔到系咩味, 大家想知就要自行去探索... 茶壶红红绿绿好Colorful, 摆寿宴, 传统白色茶壶的确唔多啱用...响螺猪肺顶菜胆汤
-- 汤底甘甜滋润, 对我地呢d平时冇啖汤水落肚嘅人o黎讲, 如遇甘露... 一碗唔系太够喉, 可否Encore?!!
虾禾米乳香猪-- DaDaDaDa... 今晚嘅主角出场... 虾禾米乳香猪!!! 乳猪皮被烧至卜卜脆, 色泽均匀, 红光泛面, 睇到流晒口水...
略施脂粉后, 化身「生日季季猪」, WoW... You're so CUTE!!! 大家唱过生日歌, 吹过蜡烛之后, 系时候切烧猪啦!!! HaHa... 唔知点解会联想到开拍新电视剧嘅情景...
WoW... 转吓眼已经切好lu... 可以开餐啦喂!!! 乳猪皮脆, 与较为湿软的饭身形成对比... 饭底以秘制酱汁煮成, 味道不错... 份量非常大, 建议约齐10位亲朋好友或以上一起分享...
冰镇原只鲍鱼伴蒿苣-- 估唔到鲍鱼都可以冰镇, 可以蘸Wasabi同吃, 口感爽弹, 论味道当然以糖芯鲍取胜, 冰镇胜在有新鲜感... 蒿苣口感界乎西芹同芥兰之间, 清新爽脆...
蟹肉扒双宝蔬
-- 食多d蔬菜对身体有益, 之后几日去到澳洲都冇咩机会食菜, 等我食多2旧先...
爽蚝珍菌盆-- 又系秘制酱汁, 香浓冶味, 唔错唔错... 店方从流浮山购入新鲜生蚝, 自行生晒, 爽蚝只只肥美饱满, 色泽亮丽, 惹人垂涎, 入口鲜甜爽脆, 扣得入味, Yummy!!! 珍菌盆内仲有鲍片、金菇、冬菇、本菇、支竹、猪肉, 异常丰富, 一定要一大班亲朋好友一齐食先搞得掂!!!
芝味焗元贝
-- 铺满芝士的大元贝, 放入焗炉焗至表面有少少㶶, 睇落系咪好吸引呢?!! 淡淡的芝士味, 不会掩盖了元贝的原味...
松子五柳大桂皇-- 酸酸甜甜五柳汁, 大人细路都钟意... 将桂花鱼切花之后再炸, 外面香脆, 里面滑溜... 伴碟的西兰花系我嘅至爱, 新鲜爽脆, 多吃有益...
玫瑰头抽黄金鸡
-- 今次酱汁唔系秘制啦啩... 头抽同鸡真系最佳拍档, 鸡皮又香又甜, 难以抗拒, 黄金鸡扎实有肉地, Yummy~
鸳鸯糕点-- 饭后来个马豆糕拼桂花糕, 个人比较喜欢桂花糕, 桂花清香, 甜度轻微, 加上杞子, 属养生之选...
全晚焦点在于一众食家为其中一位食家唱生日歌, 然后佢吹蜡烛, 再同「生日季季猪」来个Cheeeeers大合照, 好不热闹, 大家都非常投入, 感觉好Warm, 像一个食家大家庭!!!
.
张贴
