影片
更多
2009-11-09
9月11日, 今日我生日呀, 睇下呀菲带我去边到食饭先~ 神神秘秘咁带我黎尖吵咀, 原来系黎食日式烧饼~ 其实好耐之前都食过一次, 𠮶时未转大舖, 比较有日本feel, 今次黎虽然舖头大咗, 挂咗d木牌咁扮番d日本feel, 不过感觉都总系怪怪地~::: 当当烧set + 白桃汁 ::: $49 + $9当然叫番个招牌日式烧饼啦, 一个set有烧饼, 沙律同甜品~ 我地要咗个海鲜烧饼, 份量其实好少, 得一个手掌咁大, 一个正常男士应该唔够食, 味道黎讲系照烧汁盖过晒整个烧饼嘅味道, 照烧汁太浓烈喇! 里面海鲜唔算多, 有d虾, 鱼, 鱿鱼咁啦, 味道亦唔算特出… 跟餐嘅沙律系中华沙律加生菜丝, 中规中矩, 甜品亦系~ 加$9要嘅白桃汁都系几失望, 好细杯仲要系罐装饮品…::: 芝士咖喱牛肉饭 ::: $40见个名几特别就就试下, 卖相都ok~ 咖哩比较稀, 唔系好似日式咖哩… 味道都可以, 唔辣又几香, 捞饭系唔错~ 牛肉就系肥牛黎嘅, 即系急冻野, 有肉地不过冇咩肉味… 最唔特别系芝士, 凝固晒跟本溶唔到落咖喱, 咖喱还咖喱, 芝士还芝士, 唔系难食不过唔好味…今次黎好似水准下降同
::: 当当烧set + 白桃汁 ::: $49 + $9
当然叫番个招牌日式烧饼啦, 一个set有烧饼, 沙律同甜品~ 我地要咗个海鲜烧饼, 份量其实好少, 得一个手掌咁大, 一个正常男士应该唔够食, 味道黎讲系照烧汁盖过晒整个烧饼嘅味道, 照烧汁太浓烈喇! 里面海鲜唔算多, 有d虾, 鱼, 鱿鱼咁啦, 味道亦唔算特出… 跟餐嘅沙律系中华沙律加生菜丝, 中规中矩, 甜品亦系~ 加$9要嘅白桃汁都系几失望, 好细杯仲要系罐装饮品…
::: 芝士咖喱牛肉饭 ::: $40
见个名几特别就就试下, 卖相都ok~ 咖哩比较稀, 唔系好似日式咖哩… 味道都可以, 唔辣又几香, 捞饭系唔错~ 牛肉就系肥牛黎嘅, 即系急冻野, 有肉地不过冇咩肉味… 最唔特别系芝士, 凝固晒跟本溶唔到落咖喱, 咖喱还咖喱, 芝士还芝士, 唔系难食不过唔好味…
今次黎好似水准下降同冇惊喜… 环境除咗2,3张bar枱仲keep住少少日本feel, 其他嘅都变咗好似茶餐厅. 午市时间人亦唔多… 而家开咗咁多日式烧饼店, 我地都难再encore…
张贴
