鼎泰豐 (已結業)

讲起黎真搞笑， 20几岁人先第一次食鼎泰丰，仲要系喺妈妈嘅生日上边食。听人讲鼎泰丰等位要等好耐，所以特登嚟咗美丽华呢间新开嘅度食，结果不失所望，等左15分钟左右就已经即刻有位，短嘅等候时间令到食客嘅心情都更加愉快。餐厅入边装潢系简单嘅中式格局，虽然枱同枱之间放到密密麻麻都婆为逼夹，但胜在楼底够高，空间感亦都唔错，装潢顺眼令食客心情上升一级。食物质素亦都不错，上海菜都系以小菜形式上，每个份量唔多，三个人都可以食得落五六味菜。不过唔知系咪人多得滞食物水准下降，小笼包红油抄手等等嘅招牌并唔系令人10分惊艳，小笼包包皮薄但馅料欠缺肉味，红油抄手初试第一口很惹味，但XO酱可能味精太浓，再食第二口反而似公仔面味精，花雕鸡用的酒苦涩味太重，并非人人能接受。以上都只是些小问题啊，其实凉拌海蜇罗白丝味道令人惊喜，调味好之余口感亦10分爽口，令人欲罢不能。虽然小贵，但性价比亦唔算差，相信会一试再试。