新南苑私房菜火鍋鷄煲 (華僑商業中心) (已搬遷) 新店位置

今日妈妈生日话想食鸡煲，于是就选择去位于旺角嘅新南苑私房菜鸡煲小厨，原因系地点方便之余(旺角地铁站D1出口行1 分钟就到)，食物嘅质素亦唔差。而呢度系以半放题形式嘅，会先食鸡煲然后再打边炉(呢度嘅一大特色系唔会用返食鸡煲嘅煲去打边炉，而无限食嘅鸡煲亦都可以每次食都要求唔同嘅辣度)。鸡煲嘅鸡每件都好入味，而且鸡肉非常嫰滑。海鲜拼盘每人都有半只龙虾，蛏子带子花甲脆肉鲩各一。牛颈脊油脂分布平均，牛”骚”味十足。当造嘅蔬菜任拎，每一块都洗得非常干净。