K-POT 部隊鍋 (已結業)

好朋友正日生日 一于组团庆祝佢生日，带左佢去试下食韩式涮涮锅，真系唔揾都唔知有韩式火锅，平时都系食开烧肉多。唔理咁多入到舖第一时间望下周围环境先，环境不算好迫，每张座位之间都有一定距离，唔惊倾到兴高采烈郁手郁脚时撞到其他枱既人，我地9点半后入座有85折，拣左尊上牛肉放题$248同部队锅汤底，自助吧有熟食有锅物，熟食有泡菜炒饭，韩式煎饼同年糕，锅物有必食既午餐肉，泡菜饺总之好多好多野拣，除此之外，仲有乳酪任食，超多款配料，唔食返三杯都对唔住自己。生日点可以净系饮果汁，紧系要吹返枝烧酒先尽兴喇。