鐵板燒海賀

营业中

休息中

今日系表哥既生日，我地book左间系尖沙咀The One既铁板烧同佢庆祝。我地仲专登request左近窗既位置，谂住可以一边欣赏个靓景，一边享用美食。可惜天公不造美，好大雾乜都见唔到，浪费左个落地玻璃。不过好彩美食搭够，我地叫左两个铁板龙虾二人套餐。包左沙律前菜，刺身，南非鲍鱼，龙虾，牛柳，和牛炒饭同甜品。沙律前菜+刺身:沙律用左沙律醋，加埋啲酸萝卜，说说美美好开胃。刺身就普普通通，都新鲜嘅。厨师将准备嘅食材一次过放晒喺我哋面前，上菜嘅时候啲鲍鱼都仲系郁紧，一睇就知，超级新鲜。我哋仲可以欣赏厨师嘅烹调过程。其实厨师都唔系用咗好多调味料，但系就带出咗海鲜嘅鲜味。超级好食。龙虾同鲍鱼弹牙都不在话下，连个牛柳都煮得劲腍劲好食。呢个黑松露炒饭作为主菜嘅结尾十分之好。厨师一路炒呢个饭，黑松露嘅香味就不断飘入我哋个鼻入边。净系闻到个味都觉得好香好惹味仲要系粒粒分明。强烈建议庆生或者有啲咩重要节日去呢一间铁板烧。