Dirty Skillet

营业中

休息中

平时去筲箕湾通常都系去东大街揾食，今次朋友介绍形荟里面有间好似游乐场一样既餐厅。Pineapple Hat 一坐低先叫左两杯好得意既饮品，菠萝特饮酸酸甜甜，仲切左一大旧新鲜菠萝系面。Dragon Hat火龙果甜度适中，口感清爽。Burrata Cheese Pizza先嚟到系香喷喷既Pizza，职员会帮我地分好上面既芝士，令到每一块Pizza都有满满芝士，加上Pram Ham咸香，非常好味。脆皮德国猪手配酸紫椰菜及自家制苹果酱大只到要另外开一张枱仔去放只猪手，咸香酥脆，好啱几个朋友一齐Share。蟹膏蟹肉明太子甲罗烧龙虾汁意粉满满蟹膏加上蟹肉意粉，成件事非常夹，意外亦煮得软硬适中，值得推荐。震震吓梳乎厘奄列好大块好夸张，梳乎厘奄列香甜松软，最开心既地方系放喺一个旋转木马嘅托盘上面，成件事好梦幻，打卡一流。