大滿喜日本料理 (已結業)

一行11人去到呢间放题，感觉得间间放题都好似分别不大咁。其中一位朋友食过呢间，听佢话呢间食物同服务质数都唔错，价钱合理。所以就决定试下。因为订左枱，一去到就唔洗等，直接入座。当时正正系星期五8点，门口亦有一班人等位中。一落枱，有朋友负责落单，另一D就出去自助吧拎野食。出面既自助吧，除左有基本既沙律、甜品、乳酪、雪糕机、雪糕。令我出奇既系有好多熟食可以拣，而且味道唔差。以前去过D有自助吧既放题，佢放O系出面既食物多数都完全唔得。饮品柜又超多选择。至于Order纸既食物，寿司同刺身既选择，个人觉得相对比较少左DD。熟食方面就变相会多返D，刺身都叫做新鲜，值得一提既系，佢地既手卷系一口手卷。反而我几钟意，除左系因为有海胆手卷之外，份量一啖过，想试手卷又唔洗惊咁大份量，食到饱哂而食唔到其他野，几过瘾。较深刻印象既系"黄金虾"，虾够鲜，大细适中，味道比得上出面既大排档，唔错唔错！订枱既时候，职员已经讲明用餐时间2小时，我地食到9点半时有职员同我地讲last order兼埋单。但因为有朋友仲食紧既关系，我地问职员「埋左单之后系咪就要交枱，因为我地仲有个蛋糕未拎出黎」结果职员好好礼貌咁答返我地，埋单