平成二十二日本料理 (已結業)

朋友生日，指定想食日本放题，谂起好耐之前食过呢间平成22，记得味道都OK ，几年冇试不如再食下啦！晚餐分两个时段，一个六点半，另一个八点半。我地book左八点半准时到岩岩好有位，个场都几full。我哋叫得最多嘅就系火炙三文鱼寿司，寿司啲饭相对比较少，可以食多几件！刺身除左指定动作叫左好多三文鱼之外，仲有叫象拔蚌同北海道带子。象拔蚌我本人就唔食，不过朋友话都新鲜，唔错。带子大大只啖啖肉都几鲜甜。餐厅做紧promotion，只要二人同行就送一板海胆，叫刺身时会自动送上，不过就可能我对啲腥味好感敏，觉得有啲腥。有样野食几失望，就系呢个系温泉玉子豆腐，以为会几正咁啦，点知黎到，个温泉蛋其实过熟，做唔到流心嘅效果，仲要面头有啲味似渔香茄子入面会食到嘅肉酱，有啲唔太识欣赏😅其实成餐放题最出色嘅可以话系寿司同刺身，可能下次黎我地会净系狂嗌火炙三文鱼同三文鱼刺身哈哈哈！