南大門

营业中

休息中

家住观塘区，生日食海鲜当然系三家村食。一直知南大门呢间嘢，次次经过都想试，终于趁生日前一家三口去试下。大约1点去到，坐满一半以上，冇book枱虽然冇窗口位，但都系近窗隔离枱，一样可对住无敌海景用餐，感觉不错。坐低后出去嗌海鲜，拣咗附近间「美和海港」买，心水蛏子同龙虾系必食，3个人就叫了6只蛏子开边蒸，两只细龙上汤煮加个米粉底。最后叫多3只大虾豉油王煮，同椒盐鲜鱿。原本想叫多只蟹，油盐水焗，不过海鲜档好老实讲，话我地两大一细未必食得晒，认真细心😎👍先嚟『豉油皇大虾』，个壳炸得脆卜卜，味到刚好，唔太咸，只虾仲有膏，我连壳食晒赞👍再嚟『椒盐鲜鱿』，正常发挥，趁热食送酒一流。『蒜蓉蒸蛏子』，火喉刚好，够鲜。重头戏『上汤龙虾开边跟米粉底』，啖啖肉，米粉底够脆，索晒个汁同龙虾鲜味，比一般伊面处理好佳👍服务员态度良好，不时主动换碟。食完仲送芒果做甜品💯食完仲去埋附近买猪肉干，是日大满足😋