勝記海鮮酒家

营业中

休息中

由于有屋企人生日，所以去咗西贡食海鲜，基本上海鲜都好新鲜，味道都唔错！虽然价钱贵咗啲啲！环境都算干净，跟住喺店外边挑选海鲜，再另收加工费！ 𩠌菜上得比较快。豉椒炒蛏子：叫咗8只 ，热辣辣，蛏子口感的肉质都爽爽的，好鲜甜份量，豉椒炒都好惹味！椒盐鲜鱿鱼：香脆热辣辣，唔会太厚粉，刚好。咕噜肉：味道正常！外脆内软！蜜糖山楂骨：呢个唔错，酸酸甜甜，又可以咬到啖啖肉！肉质琳琳地几香口！砵酒蚝：唔错，够肥美！避风塘炒濑尿虾：呢个好味，香喷喷，火侯好足咁，味道香辣惹味 又唔会太过浓，亦都唔会太辣，用埋佢呢 避风塘肉碎送饭，十分香口，呢个品种嘅赖尿虾大大只，肉质爽身又弹牙，又够多肉！盐焗奄仔蟹：食完个避风塘口味食个盐焗清清地，蟹大大只，每人半只刚刚好，中间有好多膏，唔系硬膏，所以好香浓，滑滑的，蟹易好多肉，够鲜味！杨州炒饭：一粒粒咁都OK，略嫌咸咗少少！最后送咗个甜品三色糕。