高流灣海鮮火鍋 (已搬遷) 新店位置

话说晏就同罗小姐凤小姐食完Dazzling, 四围行左个几钟消化完，其余3友就到左尖沙咀啦！于是6点钟就向高流沙进发！沿山林道行，经过数间食店都好吸引，唯独高流沙个门面十足老套茶楼！上左条小楼梯，到铺面，店员再指我地入后门，原来里面仲有间房！我地系第一枱到，好似包左间房咁！扰攘完一轮开始点菜啦，基本野就系午餐肉，响聆，芝士肠，生菜，牛丸，山根，墨鱼丸，粟米，鲜准山，冰豆腐！店员特别推哇鬼油条（$68），望望个图，好似几有趣就照点了！肥牛方面点了极品手切雪花肥牛 （大$248）！汤底就清汤加沙嗲！汤底好快就到，食物亦都陆续送到，食物分量适中，但略嫌偏贵！尤其是蔬菜类！但一大班朋友食都可接受既！汤底味道不会太浓，味道没什么特别，跟一般火锅店既差不多！基本食物就唔多讲啦，正正常常无咩惊喜！要讲就讲店员推介既哇鬼油条，个名咁特别既？其实系油炸鬼酿海虾滑，上面痴住蟹子！虾滑向下滚1分钟就食得啦！大家都以为一定淋晒啦条油炸鬼，点知无㖞！仲好脆！虾滑好新鲜好弹牙，加上蟹子仲有口感同鲜甜，每啖都脆卜卜！一致好评！再黎就系最爱既手切雪花肥牛啦！雪花好均匀，分量都唔少，同图片相同！而且厚度适中，滚大概15