影片
更多
2022-09-02
4715 浏览
又系一年一度增肥嘅日子，因为六月系我嘅生日月🥳，食好啲是常识吧。朋友预先揾定餐厅同我庆祝，大家都钟意食牛，所以拣咗「Lawry’s The Prime Rib」。原本想早一个星期食，但撞正父亲节，所以就改下个星期日。餐厅位于中环嘉轩广场，港铁站K出口行过去最近，二楼设有一个入口处，但餐厅位置实际系喺三楼。佢享有一部专属电梯🛗，里面贴上相片作介绍，但䢂嘅速度慢到一个点，所以离开时我选择行旋转楼梯🤣。一到步店员向我哋查询订位资料，然后迅速带领入座。前枱、侍应以至经理们嘅服务态度良好👍，用餐气氛轻松，无其他高级餐厅咁拘束，或者要全部要英文对答。女侍应穿上女仆服装，餐厅特意保留呢个传统特色。餐厅最近嘅周末提供半自助早午餐Semi-Buffet Brunch🍽，包自助沙律、汤、前菜同甜品，而主菜共六款选择，价钱由$398至$498不等；另外仲有一款盛惠$898嘅二人餐 — 特级烤肉拼盘。我目测大部份客人都系拣烧牛肉，其他几款无人问津👀。特级烧牛肉 — 香港薄切Roasted Prime Rib of Beef au jus - Hong Kong Cut($498)，老实讲煎西冷或肉眼扒𠮶啲就食
又系一年一度增肥嘅日子，因为六月系我嘅生日月🥳，食好啲是常识吧。朋友预先揾定餐厅同我庆祝，大家都钟意食牛，所以拣咗「Lawry’s The Prime Rib」。原本想早一个星期食，但撞正父亲节，所以就改下个星期日。
餐厅位于中环嘉轩广场，港铁站K出口行过去最近，二楼设有一个入口处，但餐厅位置实际系喺三楼。佢享有一部专属电梯🛗，里面贴上相片作介绍，但䢂嘅速度慢到一个点，所以离开时我选择行旋转楼梯🤣。
一到步店员向我哋查询订位资料，然后迅速带领入座。前枱、侍应以至经理们嘅服务态度良好👍，用餐气氛轻松，无其他高级餐厅咁拘束，或者要全部要英文对答。女侍应穿上女仆服装，餐厅特意保留呢个传统特色。
餐厅最近嘅周末提供半自助早午餐Semi-Buffet Brunch🍽，包自助沙律、汤、前菜同甜品，而主菜共六款选择，价钱由$398至$498不等；另外仲有一款盛惠$898嘅二人餐 — 特级烤肉拼盘。我目测大部份客人都系拣烧牛肉，其他几款无人问津👀。
特级烧牛肉 — 香港薄切Roasted Prime Rib of Beef au jus - Hong Kong Cut($498)，老实讲煎西冷或肉眼扒𠮶啲就食得多，🥩但烧牛肉真系比较少食，就算食都系来自酒店自助餐，而味道亦未见突出。烧牛肉有两种份量可选，分别系基本嘅香港薄切🇭🇰同埋升级版嘅加州薄切🇺🇸，后者喺美国嚟讲已经系最小巧嘅份量，但香港人可能比较细食，所以特设加细码。我同朋友都系嗌HK Cut，所以无得比较大小，不过我认为已经够食，但都真系几薄身。值得一提有关Lawry’s嘅一大特色系架重达600磅嘅银色不锈钢餐车Silver Cart，👨🏻🍳厨师会喺客人旁边即席分切烧牛肉，仪式感十足。
特级烧牛肉 — 香港薄切
182 浏览
3 赞好
0 留言
配菜方面，传统系配英式烘薄酥饼Yorkshire Pudding同薯蓉Mashed Potatoes🥔 ，另外可加$60要忌廉菠菜或粟米。我见厨师突登喺薯蓉中间窝一下再淋上酱汁，薯蓉味道还好，牛油味唔算好强。约克群酥饼分开上，外层焗至金黄酥脆，蛋味亦都几突出🥚，不过可惜太饱食唔晒。
调味方面🧂，烧牛肉本身已经会淋上肉汁Gravy Sauce，惹味得嚟唔会过咸，算系恰到好处。不过店员另外亦会奉上自家制调味盐同两款特制酱汁，浅色𠮶款加咗忌廉芝士，深色𠮶款就芥辣味强啲，仲好似带少少蒜味。
介绍完餐厅名物之后，就到自助餐Buffet部份，食物种类同味道都令人满意😋，而且补充速度都算快，自助区域位置干净。留意返，自助餐做到两点三㗎咋，要把握时间呢。不过店员亦会向客人作细心提醒。
自助餐
199 浏览
0 赞好
0 留言
我食咗两转前菜，款式包括有烟三文鱼🍣、冻虾🦐、风干火腿哈密瓜🥓、麻酱凉拌天使面配牛柳丝及三色椒🍝、烧烤酱猪颈肉🐷以及炒杂菜🥦等，我全部试过晒，每样都好掂，特别系个天使面，Encore之选。
自制沙律区唔错🥗，有几款酱汁可选，而𠮶六款配菜都好正，水果同红菜头都好甜，面包粒脆卜卜，芝士口感绵密，味道淡淡哋，但又几香🧀。
意大利杂菜汤嘅蕃茄味几浓郁🍅，酸度适中，个底有好多杂菜渣，但味道上唔算好突出。如果细食嘅就可以Skip，留肚食其他嘢。题外话，🥖餐包味道都麻麻，有两款，意大利软包OK；但法包劲硬，不了。
甜品
70 浏览
0 赞好
0 留言
餐厅另外设有朱古力喷泉🍫⛲️，啱晒在场嘅小朋友，有得玩又有得食。配料唔多，有几款水果同棉花糖，朱古力几好味，甜得嚟唔过火，亦无苦味同酸味，但水果就变得好酸🍓。
生日甜品终于出场喇🎂，造型非常适合打卡，餐厅亦会为寿星送上即影即有相片以作留念。今个中午我粗略计算应该有十枱客系庆捉生日，哈哈。店员无介绍呢个甜品系乜名堂🤔，我觉得都有啲似芝士蛋糕，三层海绵蛋糕夹住两层湿湿哋嘅芝士。味道可以嘅，但未有太大特色，加上真系太饱，所以系唯一放弃咗嘅项目。
餐前饮品有红酒、气泡酒、果汁或汽水可选，加$180位就可享1.5小时任饮。我同朋友都要咗红酒🍷，系Lawry’s品牌出品，但气味都几重，唔易入口，可能我唔系饮开啦～。
最最最后就系以一杯冻柠茶作结🍋，正常发挥吖，茶底唔涩。佢杯身呈椭圆形，但杯口就系正宗圆形，好得意。
环境方面，餐厅设计有气派🌟，其中一排餐枱绕住中间空心部份摆放，另一排就系靠窗边。枱与枱之间嘅距离唔远，但放咗隔板感觉好好多。呢度楼底好高，具空间感，而且圆形嘅天花好特别，好似博物馆咁。
总括嚟讲，今餐系一个非常好嘅体验，食物由前菜、主菜以至甜品都好有水准，虽然烧牛肉并非想像中咁惊艳，但都绝对系好食，一试无妨😋。价钱而言，每位连加一$550，平就当然称唔上，但我又觉得可接受，生日一次半次开心吓嘛。因为食到美国驰名扒房，又能吃到饱，算系物有所值啊。
张贴
