鯉魚門海鮮酒家

营业中

休息中

男朋友生日去鲤鱼门庆祝食海鲜🤩🤩因为男朋友细细个成日都去鲤鱼门食开呢间，所以同我哋去试吓椒盐濑尿虾 ❤️❤️❤️❤️❤️佢呢个濑尿虾真系世界级好食 整到啱啱好唔会太干身之余，又食到椒盐嘅香味，个个食完舐晒手指赞不绝口👍🏻因为当日我哋拣嘅濑尿虾又膏，所以食落去更香🤩蒜蓉蒸元贝❤️❤️❤️❤️佢个蒜蓉同埋香油都配搭得10分好，美中不足系个豉油唔系太咸，所以食落好似冇乜味。净系食到鲜味。如果可以咸返少少就好啦。豉椒炒蛏子 ❤️❤️❤️❤️❤️劲香嘅豆豉味，啲圣子完全吸收晒啲豉椒嘅味道。同埋好胀卜卜食得出好新鲜👍🏻味道啱啱好 捞饭一流🤤🤤野生黄皮老虎斑 ❤️❤️❤️❤️❤️呢条鱼系姐夫推介👍🏻👍🏻真系冇介绍错 令我男朋友唔食鱼都觉得好味👍🏻佢啲鱼肉又滑柔嫩之余仲好有嚼口，同埋鱼油味好出，配搭酒楼嘅蒸鱼豉油真系食多几碗饭🤩😍芝士焗龙虾伊面❤️❤️❤️❤️呢个真系觉得非常之好 佢啲龙虾都系胀卜卜好入味啖啖咬落去都有芝士嘅香味同埋龙虾嘅鲜甜 而且个伊面都唔会太干身焗到 不过食得多真系太漏😂下次会叫返上汤稳阵啲👍🏻👍🏻👍🏻👍🏻整体嚟讲都几满意嘅一餐，啲海鲜我哋系喺入面鱼档𠮶度嗌完之后佢会问返你边间餐厅拎过去俾佢哋加工，我个人觉得可以喺出面买啲海鲜