牛角日本燒肉專門店 (德福廣場2期)

营业中

休息中

雖然已提早拎飛，但因細鋪比較少大枱(一行8人)， 最後都等咗7個字，分開2張枱入座，建議大家預早時間拎定飛。叫咗2個會員限定套餐(4人前)加+飲品，另外一個十品燒肉盛合，份量啱啱好。首先上場的凱撒沙律略嫌多咗沙律醬，梅子蕃茄好清爽，值得一試。五品菜盛合有秋葵、粟米、雞脾菇、粟米仔以及鮮冬菇。新鮮菜，除粟米外其他燒一燒就食得。一片片魷魚2面略燒，變色就可以離火。食緊沙律的同時主角上場-肉。目測為牛舌、雞肉、豚扒、和牛牛板腱等，雖然一人2片，份量不是多， 但都夠飽。每次必食海老，大隻爽口，可惜有一隻少少霉。牛角靈魂飯食到咁上下，開中火將有魚皮的一面向網，燒至略有收縮現象轉細火再反轉魚身，慢慢燒，最後加汁就得到美味燒鰻魚，大滿足散場。