熨烤達人 (已結業)

有朋友11月头生日，佢话想食韩烧，咁我咪上OpenRice 睇下有咩好介绍，最后决定去荷里活广场既熨烤达人试下。一早订左位，到预定时间即可以入座，坐低之后店员问我地有冇食过，我地话第一次食，咁佢就推介左好几款比我地，最后我地试左个「济洲黑毛猪」，话系每日限定得几份，唔系妳想食就有，虽然价钱系几贵，但味道真系唔错，比时我系唔食肥肉既，但佢食落又可以㖞。另外仲有叫左鸡翼、五花肉，味道可以但冇乜特别，所以连想都冇影。但值得一提既系佢既泡菜，味道好好。另外仲叫左个「自暴自弃速食面」，亦都系店员推介。我地系差唔多烧完d食物先再叫呢个面，店员问我地仲有冇嘢未嚟，我就答佢仲差个自暴自弃，佢个名得意令人印象深刻。连隔离枱个小朋友见到，都同个爸爸讲：有车车呀～～～我两个朋友有Facebook 所以有梳打送，但我冇，所以我就叫左个沙冰饮，几靓隔离个杯就系送既梳打，比钱同送既真系差好远。之前睇过有人话店员服务态度好，亦有话差，而呢次食饭我地几个朋友都觉得好好，个个都有笑容，讲解又清楚所以会再去食。