影片
更多
2013-02-03
628 浏览
生日正日同老婆食咗一餐生日饭，隔多个星期又再一齐食多餐生日饭，但人脚就多啲，加埋姨仔、舅仔同佢女友，佢几个又话想帮我庆祝下㖞。查实年纪大咗，对生日饭都唔喺好在意，其实都志在揾个藉口一齐高兴吓食番餐啫，要我揾地点，我都落意嘅，只喺要就得到各人口味，有啲烦啫，结果就去食日式放题，贪佢选择多，点多少都得。选址荃湾如心广场嘅渔屋，一来见佢几人气，二来价位唔贵，再者就喺近西铁站，方便我哋往返。佢哋晚市收费：$158（6:30pm前入座或9:00pm后入座）、$178（6:30pm - 9:00pm入座）、$148（10:00pm后入座），以上都喺成人价，如星期五、六、日、公众假期及前夕，就多收$10，加一就例牌啦。10张唔同长短、颜色嘅点菜纸，就包括晒所有任食任饮嘅选择，有沙律、小食、手卷、卷物、火焰寿司、寿司、一品料理、炸物、炉端烧、拉面 / 乌冬 / 炒饭、刺身、饮品、甜品，数过一次，嘢食连嘢饮，一共有成150样嘢，一定令你饱住走。有咩拣我就唔多讲，因为小弟将佢啲点菜纸扫描晒，放晌个食评度，大家可以慢慢参详！一早订好星期日7:30pm，侍应晌电话都交带一句，话星期日通常都满座，虽然订咗位，最
佢哋晚市收费：$158（6:30pm前入座或9:00pm后入座）、$178（6:30pm - 9:00pm入座）、$148（10:00pm后入座），以上都喺成人价，如星期五、六、日、公众假期及前夕，就多收$10，加一就例牌啦。
10张唔同长短、颜色嘅点菜纸，就包括晒所有任食任饮嘅选择，有沙律、小食、手卷、卷物、火焰寿司、寿司、一品料理、炸物、炉端烧、拉面 / 乌冬 / 炒饭、刺身、饮品、甜品，数过一次，嘢食连嘢饮，一共有成150样嘢，一定令你饱住走。有咩拣我就唔多讲，因为小弟将佢啲点菜纸扫描晒，放晌个食评度，大家可以慢慢参详！
一早订好星期日7:30pm，侍应晌电话都交带一句，话星期日通常都满座，虽然订咗位，最好都预早少少到，我哋都怕人多入座难控制，所以预早7:15pm到，𠮶度胜在流量快，最后7:30pm都准时交到枱俾我哋。因任食任饮限时两个钟，所以「嗱嗱淋」点嘢先，我哋兵分三路，分别各点几个类别，一来减少重复，二来咁样有效率啲。当晚，我就见过隔离枱𠮶一家人，因为一大棚人，点嘢无分工，结果就有好多嘢食重复又重复，而且点突晒，食剩唔少，感觉颇为浪费！
成晚嚟讲，个个类别都点啲，我哋5个人食咗乜，以下数一数先：沙律、小食、手卷
蟹籽沙律、三文鱼蟹籽沙律 – 餐前两款沙律，志在清清味蕾。前者包含白萝卜丝、青瓜丝、蟹柳丝及蟹籽，唧上一般沙律，比较大路制作；后者材料都喺啲沙律菜、粟米、蟹柳粒、蛋粒、蕃茄、三文鱼、蟹籽，但用上柚子醋汁，较为清爽轻怡啲。
芝麻八爪鱼、川风螺肉、中华沙律 – 一小兜上晒3样嘢，仲晌上面加咗少少素鱼翅及芝麻，卖相俾咗啲手机。其实有少少怕八爪鱼、螺肉「一坺坺」（音：pat）嘅酱，虽然啲嘢味道OK，但唔咁一坺嘢好啲。
软壳蟹天妇罗手卷、大虾天妇罗手卷 – 无谂过点手卷，因为喺太饱肚嘢喇，点咗完全喺意外。其实喺想点天妇罗，大意一时睇错，变咗手卷，仲要好多客添，做人嘅嘢，错就要认，小弟只好一个人顶多几件，唉！如果唔喺小弟依个错误，可以试多好多嘢啰。
卷物、火焰寿司花之恋人、樱之恋人、雪之恋人 – 3款卷物都唔错㖞，后两位「恋人」值得推介，尤其个「樱之恋人」，立方粒形嘅「寿司」，卖相精致，以为上面一粒甜虾下面喺一旧饭，原来饭内中空有旧炸虾，口感过瘾呀！所以跟住就一次过再多点5客，因为真喺好食，值得「安哥」。
火焰芝士熟虾寿司、火焰鲽鱼背寿司 - 火焰寿司一共有7款，点咗其中两款试试，味道不俗，尤其鲽鱼背，话喺独家必试，卖相小巧，鲽鱼背又几油润鲜美。
寿司寿司类一栏就供应常见嘅寿司同军舰，都有成19款，但见唔喺太特别，只喺点少少嚟应吓景。点咗吞拿鱼寿司、带子寿司、八爪鱼须寿司、栗米沙律军舰，以带子寿司最有睇头，带子厚肉味道挺鲜甜，寿司饭不过不失。
刺身志在食得开心，唔喺为翻本，所以就算刺身，亦无乱咁狂点，但都点咗其中9款一试，样样都喺数量几件，等大家都有机会试吓。一小碟冰镇住上枱，虽然外观唔喺执得好靓，但睇落啲刺身质素唔错。9款刺身分别有三文鱼、甜虾、带子、玻璃虾、墨鱼、蟹柳、红立鱼、鲍鱼片、吞拿鱼，小弟觉得三文鱼、带子、玻璃虾依几款较好，但整体大家都觉得水准属中上！
一品料理因为查实舅仔对生嘢唔多啱口味，所以属于熟嘢嘅一品料理就为佢而点多啲。17款嘢，都几多选择，我哋前前后后都叫咗成7样：地狱饺子锅、清酒煮蚬、牛油栗米、烧羊架、金菇牛肉卷、糖心温泉蛋、面豉汤。依个部份出乎意料之好㖞，必试之选有烧羊架、糖心温泉蛋、面豉汤，羊架大大件烧得金香，温泉蛋极之糖心，蛋黄浓香，面豉汤捞一捞有昆布、豆腐粒、蚬只，味噌味浓郁，有夸意之作。另外两款推介之选：地狱饺子锅唔算好地狱，中辣啦，胜在材料多，一锅过有好多嘢食，饺子亦煎得香脆；清酒煮蚬，蚬肉几鲜甜，只喺清酒味未够强啫。
炸物之前睇错天妇罗一栏，事后揾番啱，当然唔会错过啦，天妇罗香口嘢又个个啱食，自不然会点多少少，不过我哋都喺为免浪费，唔会点人头数，宁愿样样要几件，可以多试几款。新鲜热辣送上，一篮子有大虾天妇罗、南瓜天妇罗、蕃薯天妇罗、青椒天妇罗、茄子天妇罗、松叶蟹捧天妇罗、吉列墨鱼饼、关东鱼饼、炸饺子、芝士年糕，喺咪引到流口水呢？大部份都炸得唔差，脆浆无过厚，松脆唔油，而咁多款嘢，最得小弟欢心喺大虾、南瓜、蕃薯、吉列墨鱼饼、芝士年糕，除咗本身钟意食依几样嘢之外，佢哋本身原味个味道较突出。
炉端烧轮到炉端烧，因为喺熟食关系，我哋一样叫唔少，同样叫得嚟款多量少，盐烧秋刀鱼、盐烧多春鱼、免治软骨鸡肉捧、盐烧鲭花鱼、盐烧鸡中翼、烧日本河豚鱼干。当中免治软骨鸡肉捧同鸡中翼有惊喜㖞，前者口感软滑香脆，后者鸡中翼用上大呎吋嘅，唔会无肉食，况且腌得入味烧得甘香。烧日本河豚鱼干亦喺另一道心水菜，佐酒一流，鱼干已剪成一条条，口感软软，咬落又带点烟韧。不过，成晚前后落过几次单嘅渔屋长串烧（海虾、青椒、芝心丸、车厘茄、帆立贝），一串都无嚟唔到，至于其他嘢都有漏少少单，但情况唔严重，以今晚爆晒场嚟计，实属轻微啦！
拉面 / 乌冬 / 炒饭如有需要，打算最后垫肚先叫，不过你见上面食咗咁多嘢，都无需要啦！况且女士们中后段已话差唔多，所以，留肚食雪糕仲好啦。
甜品
甜品分3类，仲晌门口刹有介事贴咗张通告：最新好消息，凡惠顾放题，豆腐花、啫喱、雪糕任食，大抵以前应该无甜品吧！不过最搞笑佢张点菜纸嘅标题竟然用上「特式甜品」㖞，小弟就睇唔到有几特色喇，哈哈！3类甜品喺迷你豆腐花、四方啫喱、雪糕棉花杯，豆腐花品牌喺百福，但有别一般超市版本，喺份量少一半嘅迷你装，但质感依然超滑，只有原味；啫喱无试，亦都唔多见有人试，相信喺四方果啩；而雪糕喺雀巢，虽然唔喺咩贵价品牌，但对雀巢棉花杯都有份怀念，本土嘢梗喺要支持吓啦，所以小弟４款味（云呢拿、红豆、朱古力、芒果）都各叫一客以表支持，红豆味较少食到，朱古力味似乎最好食。
饮品又串烧、又天妇罗，嘢饮唔少得，渔屋任饮选择确实唔少，6款原罐罐装汽水，仲有冷热清酒、啤酒、冷热玄米绿茶。我哋唔喺好酒一族，都点咗一小枝热清酒高兴吓，酒精度虽高，但小杯小杯咁饮，都OK架；我就尽兴啲零系可口可乐接芬达提子汁，一罐接一罐，到最后大家都叫杯热玄米绿茶嚟暖番吓啲肠胃！
今回初次帮衬渔屋，感觉良好，除咗食物选择多，我哋大部份点嘅嘢食都有一定水准，依时交枱俾我哋之余，差不多够钟时又无话刻意催我哋走。咁爆场嘅情况下，漏单亦好轻微，而且无话贵价嘢点极都无，仲有服务员几勤快，上菜收碟「渣渣淋」，态度唔错，有个女经理临截单前仲专灯走嚟问我哋仲有无嘢要点，我哋都食到好饱喇，但至少佢都有咁嘅心提提啲客。晌度借机再次多谢姨仔、舅仔佢哋几个，等我食得满载而归！
张贴
