影片
更多
2017-04-20
187 浏览
之前已经讲过厚福街其实有好多嘢食，最后面果幢H8里面更加系一啲高尚嘅餐厅既集中地。我朋友系白羊座，又咁啱就快生日，就同佢去食咗一个二人餐。上到去呢一间餐厅，发现佢嘅布置装修都好高贵，同我想像之中有出入。虽然𠮶个位望落去有冇海景，周围嘅景色都唔系特别靓，但系胜在佢系落地玻璃望出去都有万家灯火。一坐低店员就推荐我哋食二人餐，我见到个价钱都有啲愕然，但系生日一年一次是但啦。头盘一嚟到，就系我最钟意食嘅鲍鱼同埋生蚝。海水味唔算太浓，加左少少柠檬汁就好有鲜味。仲有只鲍鱼仔入口都几弹牙有口感。接住落嚟就系鲜果酿酥盒伴烟三文鱼花配香芒汁。三文鱼嘅味道唔错，加左香芒汁就更加Fresh。仲有个酥皮𠮶盒我觉得似系东海堂买嘅水果挞哈哈。另外仲有我最钟意食嘅鹅肝，佢配埋嘅菠萝简直系可以解除鹅肝嘅肥腻感。而且佢煎得好香口唔会令我觉得食一啖唔想再食。再之后先上我哋嘅西餐汤我哋两个都系红汤配埋脆脆嘅饼干条黎食都唔错。不过讲真我净系钟意食蒜蓉包浸落啲汤度多啲。之后上主菜，分别有黑松露汁海胆饭，西冷牛扒，香煎银鳕鱼柳。黑松露嘅汁配上一粒嘅饭超有口感，同埋有好浓烈嘅味道。西冷牛扒我叫左七成，肉质都唔算太硬，但系唔知系咪已
上到去呢一间餐厅，发现佢嘅布置装修都好高贵，同我想像之中有出入。虽然𠮶个位望落去有冇海景，周围嘅景色都唔系特别靓，但系胜在佢系落地玻璃望出去都有万家灯火。一坐低店员就推荐我哋食二人餐，我见到个价钱都有啲愕然，但系生日一年一次是但啦。
头盘一嚟到，就系我最钟意食嘅鲍鱼同埋生蚝。海水味唔算太浓，加左少少柠檬汁就好有鲜味。仲有只鲍鱼仔入口都几弹牙有口感。接住落嚟就系鲜果酿酥盒伴烟三文鱼花配香芒汁。
三文鱼嘅味道唔错，加左香芒汁就更加Fresh。仲有个酥皮𠮶盒我觉得似系东海堂买嘅水果挞哈哈。
另外仲有我最钟意食嘅鹅肝，
佢配埋嘅菠萝简直系可以解除鹅肝嘅肥腻感。而且佢煎得好香口唔会令我觉得食一啖唔想再食。再之后先上我哋嘅西餐汤我哋两个都系红汤配埋脆脆嘅饼干条黎食都唔错。不过讲真我净系钟意食蒜蓉包浸落啲汤度多啲。
之后上主菜，分别有黑松露汁海胆饭，
西冷牛扒，
香煎银鳕鱼柳。
黑松露嘅汁配上一粒嘅饭超有口感，同埋有好浓烈嘅味道。西冷牛扒我叫左七成，肉质都唔算太硬，但系唔知系咪已经有啲饱，已经唔系太想食，反而我对𠮶条鱼好有感觉，因为我觉得𠮶啲鱼嘅质地非常之白滑，加埋啲芝麻照烧汁完全系完美嘅配搭。你一个主菜系我朋友叫嘅但系我就忍唔住食咗佢半个主菜。最后最后就系我哋期待已久嘅甜品，
呢个甜品系佢哋全个铺头最出名嘅，我已经唔记得咗佢叫咩名，但系我净系记得佢个名系非常之长，而且里面系有一个国家嘅名字。一咬落去第一啖完全系令我非常非常非常之惊喜，因为原来佢系一个雪糕球黎架但系表面上就比呢Tirimisu粉盖过，完全系卧虎藏龙。就算我之前有食得几饱，甜品真系第二个胃，我可以食多三个呢啲雪糕球，呢个伴碟最特别嘅地方仲有蜡笔小新嘅Moss粉做设计。 好开心的一天。
张贴
