漢京樓 (已結業)

今日系美女既生日，我地同俊男、两个耆英以及表哥去食饭。呢间都食左好耐，水准依然可以保持，实在太好啦，我地叫左几多野食，野食如下。鸡丝粉皮呢个唔错架，粉皮好滑。而且鸡丝好新鲜，配上青瓜食真系几爽口。宫爆明虾几乎次次都食既，虾球炸粉唔太多，虾算几新鲜。个汁就小小酸同小小辣，好开胃。赛旁蟹呢个几好食，蛋白够滑。鸡丝煨面个汤好有鸡味，除左呢个就无乜特别。酱爆牛肉真系酱爆架，牛肉好淋，而且好有肉味。算唔错既。锅塌豆腐个豆腐好滑，个汁唔错。个味又好够，食得过。津白好新鲜，个汁又唔太咸。相当满意。红油炒手呢个好唔得，个汁唔够辣。而且炒手既皮太厚，唔系咁好食。小笼包皮薄多汁，有料到。素饺平时食都唔错既，唔知点解今日食就好咸。高力豆沙我最期待既，今次都无令我失望。个豆沙又唔算甜，仲有香蕉里面。个豆沙加上砂糖，真系个好有特式既甜品。呢度既食物质素唔错。而且服务态度好好，好有礼貌。难怪美女既生日饭局食得咁开心。实有下次既，因为高力豆沙太正啦。