兩合海鮮火鍋飯店

营业中

休息中

今晚一行3人，同其中一个老友庆生，知道佢钟意食镬气野，就拣左呢间好耐冇去，位于红磡街市楼上既大排档。约好左寿星仔八点，不过佢通常迟一个钟，但今日佢竟然八点准时到达，上到去已经全场爆满，等左15分钟就有位，一坐底即刻叫左支啤酒先再拣菜，朋友钟意饮西湖牛肉羹，但姐姐话今日衹有老火汤~粉葛鲮鱼，冇汤羹，所以我地冇点到。卤水拼盘:有大肠，红肠，猪耳，墨鱼……味道普普通通，冇乜卤水香味。红烧乳鸽:皮脆肉嫩，炸得啱啱好，不会太油腻。辣子鸡:朋友推介必食，少少辣，好惹味，鸡件炸得香脆。通菜炒牛肉:个样好得，好够镬气，点知原来得个样，菜同牛肉都超咸。手撕鸡:以前食过，好挂住，但今次有D唔同，加左豆办酱去捞，味道反而冇以前咁好-3个人食左5个菜，饱到上心口了。食完吹多阵就散水了。今次重来，感觉菜式味道退步了。