東來順 (已結業)

一所著名嘅北京饭店，曾荣获香港米芝莲一星，究竟有咩过人之处呢?老实讲，食过之后觉得言过其实，价钱贵唔在讲，性价比未算太差，食材系贵嘢黎嘅，每样菜都好过同业少少，稳打稳扎，但系食唔出有咩咁劲。可能我对佢期望过高，到头来有啲失望。不过点都好，我都要介绍番几个𩠌嘅。烟熏桂鱼 - 呢个系成晚最有特色，最值得褒奖嘅一道菜。鱼片实净唔散，烟熏味香而唔咸，呢个配搭我都系第一次食，冇谂过熏制中式鱼会有呢个效果，唔食其他嘢都一定要食呢个!醉鸡，盐水鸭 - 两者都做得比同业高一线，肉质鲜嫩，但味道偏淡。醉鸡酒香可以再浓啲，盐水鸭除肉质软嫩外无甚可评。鹤湖蟹影 - 呢个超有名的，攞哂奖，卖相劲。碟底蓝色个啲啫喱系唔食得嘅，只鹤都系唔食得嘅，食得嘅系成个cupcake咁个件，同埋只可乐色嘅蟹。呢件名菜主要分三部份，底部系芋头片卷成筒炸，顶个球就系超多蟹肉蟹黄mix，中间有片锅巴。蟹肉mix个味做得好适中，浓郁嘅蟹味之余，冇点醋都唔溜，锅巴松脆，跟蟹肉一齐食，口感味觉一气冲击，将钟意食蟹嘅人带到高潮。咁可乐色嘅蟹系咩呢，原来系姜茶啫喱俾你驱寒，不过我就觉得唔够姜啰。荠菜炒年糕 - 呢个算系我食咁多次炒年糕中最好