The Winery Kitchen+Bar (已結業)

上星期朋友生日，放工同成班女仔去咗西营盘嘅Winery食生日饭。餐厅环境放咗好多植物，餐厅装修同枱櫈都系绿色同啡色为主，好有大自然feel，个vibe好chill好舒服，最啱影相打卡。9点前系happy hour，cocktail都系 $50咋，叫咗杯passionate fruit味嘅cocktail On The Vine，甜甜哋几清新。朋友𠮶杯vanilla milkshake都好有云呢拿味，好smooth，几好饮。食物叫咗个炸鸡上面哂咗啲芝麻，食落好够味，肉质好细滑多汁，感觉唔太油腻。三文鱼taco少少辣，块皮软得嚟脆脆哋，加埋啲酱汁成个咬落去味道好丰富好清新。 羊肉棒嘅羊肉好有羊嘅酥味，可惜肉质有少少韧。芝士nachos好香脆，份量好多好足料。三文鱼卷就普通啲啦。吞拿鱼沙律材料好新鲜，柚子汁酸酸甜甜好清新，吞拿鱼肉一啲都唔腥，牛油果好滑，疏菜好清甜连埋granola好有口感。不过真系要赞下个服务员，好nice好好笑容，仲要见我哋朋友生日，送咗我哋每人一shot tequila，生日𠮶个就3 shots。又帮我哋应相，系抵赞嘅。