鉄人旨花

营业中

休息中

帮家姐庆祝生日同佢食餐好嘅，佢钟意食铁板烧，网上揾到呢间餐厅有好多好评，即管一试。餐厅好近铜锣湾地铁站，楼上店地方特别阔落，铁板烧枱以半圆形设计，一台大约六至八个客人可以睇住师傅煮铁板烧，呢度有好几款套餐，店员介绍近排象拔蚌非常新鲜，所以家姐决定放弃佢最爱嘅龙虾，拣咗白象拔蚌套餐。前菜首先有新鲜沙律开开胃，之后师傅送上烧到香香脆脆嘅鹅肝，唔好理胆固醇问题，鹅肝味道好香龙，外脆内软真系好好味。主菜就系呢碟白象拔蚌，见到师傅落咗清酒牛油去煮，煮嘅时间唔会好耐，上碟闻到震震嘅清酒香，入口好鲜甜，口感比较爽身，而且份量都唔少，店员果然冇介绍错，同平时食中菜普通打边炉象拔蚌，个分别真系好唔一样，口感同味道都更上一层楼。令一主菜就系和牛，黄中入口即溶，浓浓嘅牛肉味道，个阵牛味食完之后仲喺口腔入边，真系非常回味。食完两样咁重口味嘅主菜，上返一道白芦笋沙律，清一清口腔，再食埋师傅即炒嘅黄金炒饭，饭粒粒分明，好干身好好味。最后佢想一碗带子清鸡汤，好鲜甜。再食埋甜品实在好满足，非常完美嘅一餐，最紧要寿星家姐都好满意。