榮記(東成)飯店

营业中

休息中

朋友们同某人食生日饭，为咗要就迟放工嘅朋友，大家拣响佢哋返工𠮶区，鹅颈桥熟食市场嘅荣记，好几年无嚟呢度食嘢嘞，上到去依然系人头涌涌。某人已经谂定食咩，坐低就落单。沙姜鸡脚够腍又入味系有几只煮烂咗，唔靓啫。鱼香茄子煲送饭一流茄子仍保持紫色，肉碎都有份量，味道唔错，系争咁啲咸鱼香。凉瓜鲜鱿够镬气，凉瓜新鲜味甘，鱿鱼有弹性，配豉汁炒好夹，送啤酒最豉椒炒蛏子，蛏子好肥美，配料主要系洋葱，豉椒好少，唔够惹味，可惜。镇江猪仔骨有大有细，以前系支支都咁大架汁还汁，肉还肉，唔挂嘅，要拿住支骨系咁碌先至有味，已经唔系当年必吃嘅模样。啫啫芥兰水准依然，颜色翠绿，香喷喷又爽脆蚝饼普普通通，蚝仔大只嘅，但系无薯粉嘅软韧口感，亦无咩蛋味，脆而不香唔知个蟹饭又如何呢？有机会再试试佢。