影片
更多
2009-02-03
78 浏览
2009年.1月今年的第一餐生日饭, 又系同呢位朋友食. 旧年佢带我去The Swiss Chalet, 今年就来Felix. 响咩都未讲之前, 要讲句多谢先! 因为餐饭食得非常满意, 亦多谢朋友帮手完成我的小小心愿, 因为佢知半岛酒店的餐厅我巳试哂咁滞, 但Felix就未去, 所以我生日就带我来扫埋Felix.朋友一早book咗餐厅最尾的窗口位, 比较静之余景观一流 (可惜落地玻璃有帘), 未食巳非常满意. Felix的装修几Funky, 高档得来绝唔局促, 比起高贵的Gaddis, 环境上更喜欢轻松的Felix.食物的水准亦非常唔错, 朋友推介的几道菜式都吃得满意. 服务体贴周到又够哂亲切, 侍应又多靓仔靓女, okok~食物介绍:面包蓝 最喜欢Raspberry +朱古力碎包包, 外脆内软, 又香甜. Pesto Toast都唔错, 好香.酒水朋友拣左支半岛自家品牌的Pinot Noir, 偏Dry, 初初饮果香比软mild, 味道亦比较平淡, 中段开始个Nose出返D, 口感亦丰富咗, 好明显支酒系要摊的 (哈哈乱up而巳~)前菜Dungeness Crab, Pineappl
今年的第一餐生日饭, 又系同呢位朋友食. 旧年佢带我去The Swiss Chalet, 今年就来Felix. 响咩都未讲之前, 要讲句多谢先! 因为餐饭食得非常满意, 亦多谢朋友帮手完成我的小小心愿, 因为佢知半岛酒店的餐厅我巳试哂咁滞, 但Felix就未去, 所以我生日就带我来扫埋Felix.
朋友一早book咗餐厅最尾的窗口位, 比较静之余景观一流 (可惜落地玻璃有帘), 未食巳非常满意.
Felix的装修几Funky, 高档得来绝唔局促, 比起高贵的Gaddis, 环境上更喜欢轻松的Felix.
食物的水准亦非常唔错, 朋友推介的几道菜式都吃得满意. 服务体贴周到又够哂亲切, 侍应又多靓仔靓女, okok~
食物介绍:
面包蓝
最喜欢Raspberry +朱古力碎包包, 外脆内软, 又香甜. Pesto Toast都唔错, 好香.
酒水
朋友拣左支半岛自家品牌的Pinot Noir, 偏Dry, 初初饮果香比软mild, 味道亦比较平淡, 中段开始个Nose出返D, 口感亦丰富咗, 好明显支酒系要摊的 (哈哈乱up而巳~)
前菜
Dungeness Crab, Pineapple, Jalapeno and Avocado
朋友推介的, Crab Cake的蟹肉一丝丝好软熟, 又香甜, 塾底有我最爱的牛油果, 磨茸的牛油果又香又滑, 入面仲有一粒粒的果肉, 口感丰富, I like it~ 炸的版本好香口, 啖啖蟹肉, 冻咗都仲咁脆咁好味. 菠萝就无咩特别.
汤
Sunchoke and Lobster Soup with Meyer Lemon, Capers
第一次饮白色的龙虾汤, 几特别, 龙虾味几浓, 加了几条柠檬橙酸酸地几得意, 败笔系饮到有面粉味同唔够热.
主菜 1
Australian Lamb, Pancetta, Sweet Yams, Chipotle and Mint
羊架做得刚好, 肉质好嫩, 又Juicy, 带点羊膻味, 中间酿咗菠菜同磨菇, 两种食材分泌出来的汁液令肉质更能保持湿润, 系个好配搭! Pancetta就麻麻, 比较硬, 甜薯亦唔够糯滑.
主菜 2
Quick Smoke American Beef, Stilton, Melot
牛肉腌好后再放响烟醺Machine度烟一烟, 闻落好香, 烟醺味颇强. 牛肉本身几嫩, 肉味本应几浓, 可惜被略嫌霸道的烟醺味盖过了. 所以烟醺的做法几得意, 但可以再轻手d.
最惊喜系个炸Stilton Cheese, 芝士酿咗响Macaroni入面, 霸道的Stilton炸完香气扑鼻, Macaroni好烟韧, 正到晕.维也纳见我钟意食, 比哂我食咁滞, 超满足啊! 伴碟的菠菜又甜又有小小Crunchy, 好味啊~
甜品
开心果布甸配朱古力慕丝
好多人都知我唔食甜品的, 唯一例外, 系同开心果有关的任何野, 今晚有缘遇上, 点可以唔试. 个Pudding超香滑, 充满开心果味, 入面仲有脆脆果,肉, 一流. 试咗小小Dark Chocolate Mousse, 朱古力劲浓, 劲滑, texture劲细密, 甜魔必爱!
朋友本身喜欢食甜品, 佢话今次竟然可以同我一齐食, 好开心! 食到咁好的开心果甜品, 我都好开心呀^^
大家谈谈笑笑, 又讲下以前响英国读书嘅野, 美酒佳肴, 绝对系一个极快乐的晚上.
张贴
