影片
更多
2009-02-03
16 浏览
2009年1月LBB生日㖞, 又点少得我阿LHC同我食饭庆祝呢! 咁同LHC㖞, 庆祝就梗系打孖上啦. 我好鬼醒, 大胃一话约我响中环等, 我就知佢带我去札幌拉面啦, 本来劲开心, 典知去到先知舖头装修紧, 咁唯有转移阵地. 于是乎大胃就带咗我来呢庶嘞!呢度环境唔错, 服务又好, 野食都ok架, 价钱又几相宜, 吃得过.食物介绍:Set Lunch 沙律/汤任选其一沙律 - 烟三文鱼沙律. 唔错, 烟三文鱼嫩滑又唔腥, 沙律菜好fresh好Crunchy!汤 - 南瓜汤. 饮汤至紧要够热, 呢个南瓜汤绝对热辣辣, 出面咁冻, 呷口热汤真一流, 味道都唔错, 香甜幼滑, 不过薄身左D.主菜四选一, 有Pasta of the Day, 羊, 鱼, 牛蕃茄烟肉长通粉 - 哗好鬼大兜, 味道中规中矩啦. 通粉软硬适中, 蕃茄酱汁味道唔错, 不过稀咗dd.Grilled Beef Tenderloin - 讲真肉质系比较鞋, 但肉味都算浓, 份量又多, 垫底的 grilled Vegetables香甜美味, 以$88一个Set嘅价位来讲, 收货了! 甜品/咖啡我饮coffee, LHC食甜品,
LBB生日㖞, 又点少得我阿LHC同我食饭庆祝呢! 咁同LHC㖞, 庆祝就梗系打孖上啦.
我好鬼醒, 大胃一话约我响中环等, 我就知佢带我去札幌拉面啦, 本来劲开心, 典知去到先知舖头装修紧, 咁唯有转移阵地. 于是乎大胃就带咗我来呢庶嘞!
呢度环境唔错, 服务又好, 野食都ok架, 价钱又几相宜, 吃得过.
食物介绍:
Set Lunch 沙律/汤任选其一
沙律 - 烟三文鱼沙律. 唔错, 烟三文鱼嫩滑又唔腥, 沙律菜好fresh好Crunchy!
汤 - 南瓜汤. 饮汤至紧要够热, 呢个南瓜汤绝对热辣辣, 出面咁冻, 呷口热汤真一流, 味道都唔错, 香甜幼滑, 不过薄身左D.
主菜四选一, 有Pasta of the Day, 羊, 鱼, 牛
蕃茄烟肉长通粉 - 哗好鬼大兜, 味道中规中矩啦. 通粉软硬适中, 蕃茄酱汁味道唔错, 不过稀咗dd.
Grilled Beef Tenderloin - 讲真肉质系比较鞋, 但肉味都算浓, 份量又多, 垫底的 grilled Vegetables香甜美味, 以$88一个Set嘅价位来讲, 收货了!
甜品/咖啡
我饮coffee, LHC食甜品, 雪糕唔够冻, 好快溶呀!
食饱饱, 系时侯返屋企做阵金霸王公仔了. 一谂起几个钟头后又见, 开心 ~~~
张贴
