影片
更多
2009-07-20
253 浏览
见到好多人赞呢度，朋友生日就推介佢哋试下，订位时预留鳯尾鱼、豆腐饺子同北京填鸭。大约7:15pm去到，发觉呢度真系几多人食，可能楼底矮关系，所以环境都几嘈，如果想倾偈，呢度就唔算系一个好地方。由于订位时预留凤尾鱼、豆腐饺子同北京填鸭，所以都可以食到呢几样嘢，凤尾鱼话系冷盘，但似乎系啱啱炸起，热棘棘脆卜卜，好好味，不过食完就几热气㖞！豆腐饺子好考功夫，清清哋都几特别，北京填鸭唔系好肥，有啲净皮，有啲连肉，几好，起咗层皮后，啲侍应仲会问需唔需要打包返屋企，都几细心，但食落最唔好就系块薄皮，居然几难咬开，所以就要扣番啲分。另外叫咗小笼包同崇明岛爆虾，小笼包皮薄多汁，一笼四只啱啱够四个人分。朋友叫咗崇明岛爆虾大家都好好奇系乜东东，仲以为系清炒虾仁，点知原来即系黄金虾，真系估佢唔到，味道都算唔错，炸到个连个壳都可以食埋，不过细咗小小。最后叫埋个甜品 - 高力豆沙，又系炸到热棘棘，附上两碟调味料，其中一碟系士多啤梨酱，红得紧要，不过又特别同几好味㖞！食完呢餐我谂都几热气，因为我哋食咗好多炸嘢，整体嚟讲每样都几好ok，但可能冇食到最多人赞的火腿夹同醉猪手、醉乳鸽，所以好似有啲美中不足咁！有机会一定要
大约7:15pm去到，发觉呢度真系几多人食，可能楼底矮关系，所以环境都几嘈，如果想倾偈，呢度就唔算系一个好地方。
由于订位时预留凤尾鱼、豆腐饺子同北京填鸭，所以都可以食到呢几样嘢，凤尾鱼话系冷盘，但似乎系啱啱炸起，热棘棘脆卜卜，好好味，不过食完就几热气㖞！豆腐饺子好考功夫，清清哋都几特别，北京填鸭唔系好肥，有啲净皮，有啲连肉，几好，起咗层皮后，啲侍应仲会问需唔需要打包返屋企，都几细心，但食落最唔好就系块薄皮，居然几难咬开，所以就要扣番啲分。
另外叫咗小笼包同崇明岛爆虾，小笼包皮薄多汁，一笼四只啱啱够四个人分。
朋友叫咗崇明岛爆虾大家都好好奇系乜东东，仲以为系清炒虾仁，点知原来即系黄金虾，真系估佢唔到，味道都算唔错，炸到个连个壳都可以食埋，不过细咗小小。
最后叫埋个甜品 - 高力豆沙，又系炸到热棘棘，附上两碟调味料，其中一碟系士多啤梨酱，红得紧要，不过又特别同几好味㖞！
食完呢餐我谂都几热气，因为我哋食咗好多炸嘢，整体嚟讲每样都几好ok，但可能冇食到最多人赞的火腿夹同醉猪手、醉乳鸽，所以好似有啲美中不足咁！有机会一定要再试过。
张贴
