東海海鮮酒家 (已結業)

前几排，识食美女生日。咁就择左日过黎呢度食饭，呢晚所见都算几多人既。可能星期日既关系，会比较多人。云吞菜煲其实无乜特别既，云吞算几大粒。不过菜就真系无乜特别，纯粹都系想食下菜而已。鱼香茄子煲又几好食，茄子好好味，又够淋。而果汁就咸左小小，最就系送饭食。脆皮烧肉无烧味舖既好食，始终好多都系好瘦好瘦既烧肉。呢个就差啦。好彩，个皮都几脆既。烧鳝又有料到，烧鳝真系好香。个皮又脆，而且肉又唔算太鞋，食得过。甜酸骨肯定唔系叫呢个名，比较似咕噜骨。甜甜酸酸好开胃。甜品红豆沙汤丸都唔错，好香好滑。但每碗只得一粒汤圆。呢餐饭真系食得几开心，识食美女食得好滋味。睇黎下次可以去第二地方，可能食得仲开心。