皇庭匯 (已結業)

撞啱新年流流加上屋企人生日就去皇庭汇食左餐饭仔，当初听到佢九千几蚊一围心谂，新年流流唔好迫我爆粗啊!一坐低开饭，先黎乳猪全体，心谂咪又系果D，点知一夹落去，真系同平时一样。之后上龙虾配两面黄，两面黄吸晒龙虾既鲜味之余，个汁啱啱挂上面身….正，反观龙虾够弹牙不过唔够脆口，成味𩠌就…80分啦。再黎既都无乜特别，系咁依讲下个生菜鹅掌扣吉品鲍，个人认为扣吉品鲍最紧要系个汁同火喉，唔够火只鲍鱼唔够软身太耐会失去吉品鲍既味道，而个汁太咸太淡好影响鲍鱼味道，而食呢度菜想试到个厨师功力既话，食条生菜先啦，个汁偏淡味，食到生菜既甜，证明个汁无抢到食物既味道，之后到只鲍鱼，支差插得入而有弹性，火喉啱啱好我个人钟意切粒粒，应该唔会太浓味，可惜…只吉品本身太咸，个厨已经算系咁，买手问题。全晚最精彩系条鱼，屋企成班死懒鬼食鱼永远只食一边，加上有家人行船，我地永远唔会返转条鱼(俗称反艇)，我地只会开左条鱼黎食(起鱼骨)，所以我屋企都开得一手好鱼。条鱼一上枱，碟上有鱼油，相信系原碟蒸，侍仔唔想开鱼咁呢个动作就等我黎啦，我一'涉'只匙羹落鱼尾，感觉到好滑啊，之后由鱼尾顺著条龙骨向上推，久违了既感觉出现啦，好多年未试过