影片
更多
2015-09-04
3271 浏览
领队话因为狮子银行信用卡做Promo，有一个四人套餐做六折，又话生日食豪D都唔怕，试得过。领队帮手提早BOOK位，头围原来要八点交枱，我地咁耐无见要倾计，当然要八点先入场，倾到打烊先够本。北京楼二小拼 (杭州芳香素腐方、七里庄酒糟醉鸡)。前菜有两小碟冻盆，素腐方即系腐皮素鸡咁，用上鲁汁，甜甜地几入味。醉鸡都几滑，酒香唔错。金汤瑶柱花胶海皇羹非常好味，劲足料，有瑶柱、花胶粒、仲有虾、鱼肉等。汤本身味道好够浓，仲啖啖有𩠌，可惜无得饮多碗。京爆明虾球。虾球沾左炸粉略为炸过，幸好粉浆唔算厚，炸左仲脆脆地。虾味就无乜架啦，但质地好弹牙爽口，加左京爆酱，似系咕噜酱，酸酸甜甜少少辣，醋味都几浓，真系俾佢「俗」亲添。烤北京填鸭。烤呢只鸭要预四十五分钟，所以都等左一阵。烤好后服务员会送上原只全相俾你睇，之后就拎到柜台再分尸，送到上枱已经变成一块块。虽然只系一食，鸭壳嘅肉唔关我地事，但净系食皮肉份量都唔少。食嘅时候用一块薄饼包住，加两块肉，加酱汁，再加葱或者青瓜包好就食得。几欣赏佢薄饼同鸭都仲系热辣辣，鸭肉唔算肥，都几腍几多汁，唔错。事后发觉，呢份野实在太大，隔离枱八个人都系食一客，我地四丁友食唔晒好正常
领队话因为狮子银行信用卡做Promo，有一个四人套餐做六折，又话生日食豪D都唔怕，试得过。
领队帮手提早BOOK位，头围原来要八点交枱，我地咁耐无见要倾计，当然要八点先入场，倾到打烊先够本。
北京楼二小拼 (杭州芳香素腐方、七里庄酒糟醉鸡)。前菜有两小碟冻盆，素腐方即系腐皮素鸡咁，用上鲁汁，甜甜地几入味。醉鸡都几滑，酒香唔错。
金汤瑶柱花胶海皇羹非常好味，劲足料，有瑶柱、花胶粒、仲有虾、鱼肉等。汤本身味道好够浓，仲啖啖有𩠌，可惜无得饮多碗。
京爆明虾球。虾球沾左炸粉略为炸过，幸好粉浆唔算厚，炸左仲脆脆地。虾味就无乜架啦，但质地好弹牙爽口，加左京爆酱，似系咕噜酱，酸酸甜甜少少辣，醋味都几浓，真系俾佢「俗」亲添。
烤北京填鸭。烤呢只鸭要预四十五分钟，所以都等左一阵。烤好后服务员会送上原只全相俾你睇，之后就拎到柜台再分尸，送到上枱已经变成一块块。虽然只系一食，鸭壳嘅肉唔关我地事，但净系食皮肉份量都唔少。食嘅时候用一块薄饼包住，加两块肉，加酱汁，再加葱或者青瓜包好就食得。几欣赏佢薄饼同鸭都仲系热辣辣，鸭肉唔算肥，都几腍几多汁，唔错。事后发觉，呢份野实在太大，隔离枱八个人都系食一客，我地四丁友食唔晒好正常，惟有打包。返到屋企叮番热都仲OK㖞!
上汤浸时菜。应该系温室豆苗，其实算整得唔错。但个人唔太钟意呢种菜有阵草腥味。
无锡灌汤小笼包算OK啦。包皮都算薄，系个包顶接口位包得太厚，肉馅都几多，肉汁都算多，可以倒满一个汤匙，汤汁呈深黄色，味道都几鲜甜。
香糟蒋腿蒸黄鱼。睇名除左知道佢系一条黄鱼，真系估唔到会咁样上菜，造型都唔错。原来佢条鱼切开几段，将冬菇、金华火腿、笋片夹入中间拎去蒸，所以造型都几特别。少试一啖，鱼肉几入味，肉质OK啦。
两旧迷你冰皮月饼，应该系最基本绿豆馅，但系太饱无食到。
以上咁多样都系四人套餐包嘅野，其实份量都好多，我地四丁友真系食唔晒，分分钟五、六个人食都仲得。其实唔理佢系唔系六折啦，都算唔错呀，真系食得好饱。所以话，有时套餐都几抵食。得闲要留意下信用卡嘅Promo，有惊喜呢。
张贴
