全記海鮮菜館

营业中

休息中

今日啊妈生日，佢话想食海鲜，今日佢大晒，佢话食咩咪食咩啰。啊嫂话全记味道唔错而且d海鲜好新鲜㖞。甘餐晚咪嚟咗全记啰。晚上好多人，等咗十几分钟先有位，环境卫生都可以，服务过得去。鸡睇落好淡色，但好入味，而且够晒瘦身皮又薄，食落唔会老，嫩滑得嚟唔会带血。花甲锅气好够，肉质鲜甜，味道喺好好，花甲好细只，只只都开，不过唔见有几多肉啰。清蒸海上鲜喺鲳鱼，蒸嘅时间啱啱好，肉质嫩滑而且鲜甜，调制嘅味道啱啱好，唔会太淡又唔会太咸。芝士龙虾伊，龙虾喺原只开边，都几大只，好厚肉，原本龙虾都够晒鲜甜，加埋芝士仲更加鲜美，整只龙虾肉都喺香浓嘅芝士味，又入味食落口感好好。伊面吸咗龙虾同芝士味，香滑且弹牙，唔会好稔，喺好长嘅一条条。蒜蓉粉丝蒸扇贝，扇贝大细适中，肉质鲜甜弹牙而且好够味，冇沙。粉丝都唔错，好入味。椒盐濑屎虾好大只好肥美，上台果时煎开一旧旧，肉质好实好新鲜，够味唔会太咸。清蒸鲍鱼，鲍鱼都几大只，望落好普通，食落鲜甜爽口，不过鲍鱼唔喺好入味。白灼海螺唔单外表大只，而且螺肉都好厚身，肉质鲜甜爽口又弹牙，白灼原汁原味，食落感觉比其他做法更加鲜味。油菜冇咩特别，都几新鲜下。