唐宮小聚 (The L. Place)

营业中

休息中

今日公司老板生日，安排嚟呢度食餐新潮中餐先。呢度地方好大，午饭时间真系好多人呀，唔订位嘅晏啲上嚟，应该都唔洗等位。点菜内容我唔太清楚，所以都系凭记忆架咋。醉蟹蟹个样有啲似大闸蟹，唔理啦，酒香而不呛口，蟹肉入晒味呀。乳鸽皮脆肉嫩，仲好猪士添架$25一只，枱枱都会叫，怕污糟记得叫侍应比手套，环保啲都系用手啦。呢件炸物，新鲜即炸，香脆无比，入面有啲芝士同唔知乜，都几好食。水煮鱼，我好怕辣，都食咗两块，鱼唔算正宗嘅咁大块，不过都好滑，麻同辣期实都唔太强嘅，入面仲有啲薯粉，食得辣嘅一定会食埋。蟹粉豆苗，豆苗好鲜嫩，但系蟹粉就冇咩蟹味喇。炸鱿鱼须，普普通通冇咩特别。榄角四季豆，都系平平稳稳啦。松露鲍鱼饭，松露嘅香包住每一啖饭，鲍鱼得一只由寿星公食咗啦。韩国年糕，有啲鱼同虾，酱汁酸酸甜甜，鱼都系偏细，虾就一般啫。今次第一次试，感觉侍应好似啱啱入职冇几耐，转数唔够。叫冲茶，应完又唔记得，冇咗件事。叫攞牙櫼，情况一样。叫埋单又冇事㖞。最后系希望佢地，安排坐位时要增加经验。我地等位时，见到有两个人坐4人枱，我地6个人都系坐4人枱，餐点上枱时一次过嚟，真系冇咁多位放，同埋影相架。