莊館 (已結業)

两位好朋友话要同我食生日饭，叫我拣地方，佢哋成日叫我餐厅小霸王，但其实我都系上网揾咋嘛！平时因为屋企人都唔喺香港所以比较少食中餐，今次想食下中餐所以就拣咗John Anthony。环境昏暗好有格调，成个气氛都几热闹，都几适合一班人聚会。食物终于黎啦，其实食物嘅份量真系比我想像之中少，钟意抵食夹大件嘅话就唔啱嚟呢度。可能我真系比较大食，唔嗌多几样一定唔会饱。基本上我同朋友想食嘅都叫晒，几乎每道菜都有惊喜，我最唔睇好嘅西瓜配牛面颊竟然系我觉得最出彩！牛筋流心蛋超软超入味。叉烧好肥美，如果可以多啲就好，真系仲想再食。仲有呢个烟熏鸡真系好嫩滑好入味，皮脆肉嫩仲有淡淡烟熏味，好滋味。总体来讲呢间餐厅比我想像之中出色，但系份量真系偏少，希望以后会有更加多新菜式，一定会再返去食。