AVA Restaurant Slash Bar (已結業)

餐厅位于38楼，居高临下，一出电梯已经见到好靓既夜景，生日饭黎讲位置同景观都唔错。可惜海景枱只有数张，大部分都系2人枱，所以我地一行四人只能坐中间位，冇得边食饭边睇夜景。 一坐低就有冻汤、唔同款式既餐包，配搭三款酱料，有诚意。头盘叫左青口，份量都算多，四个人食都够。主菜叫左海鲜意粉。另一样就叫左拼盘，有牛扒同龙虾。龙虾够弹牙，牛扒牛味好浓，大家都食唔停口。另外值得一赞既就系Ava既饮品，价钱唔贵，而且味道、卖相都好好，绝对嗒得杯落最后既重头戏出场—-玫瑰花雪糕。厨师用干冰急冻玫红花，再加入配料炒雪糕。画面好靓，而个雪糕好好食。我一向对玫瑰味既产品都冇咩兴趣，但呢个雪糕既玫瑰味好清香（唔系浓烈既玫瑰味），而且雪糕唔会好甜，色香味俱全！要食既记得要预先订定。