Goobne Chicken (M88) (已結業)

今日同事生日，一于食好啲，但作为一个矛盾嘅都市人。为咗呃自己食健康啲。就嚟咗呢一间吼烤专门店食庆祝lunch。好彩黎之前订咗位，因为真系好多人。估计如果冇book位嘅话，应该等返半个钟至九个字先会入到座。环境正常，服务都正常。直入主题，我哋叫咗UFO芝士烤鸡，蕃茄奶油炒年糕，同埋海鲜薄饼。先讲烤鸡，果然系招牌菜，烤得好香好入味，而且鸡肉好滑。加上佢系冇骨嘅鸡肉。啖啖肉嘅感觉真系好爽。只系有少少美中不足就系啲鸡皮唔算太脆。中间啲芝士都好好食，只不过好快凝固返。所以食起上嚟会有少少麻烦。但味道系好食嘅。炒年糕，就非常之捉了。有鱼糕拉面等等。食起上嚟有少少辣，但系唔会好难接受。蕃茄味唔算好浓。当然同其他专食番茄汤面嘅地方就冇得比啦。只能够讲对得住佢嘅价钱。海鲜煎饼，就系今餐饭最普通嘅嘢，其实只不过系将少少海鲜加咗落平时饮茶酒楼𠮶啲薄撑。平凡到冇乜特点可以加以描述。如果唔系特别喜欢食薄饼可以skip咗佢。总括而言如果你钟意食鸡，又钟意啲重口味嘢。一定会钟意依间餐厅。佢对得住佢嘅价钱。同朋友聚餐一流。不过环境就可能差少少有少少嘈。不过人多冇计。如果下次想食鸡我都会再嚟多次。