新潮樓 (已結業)

老公生日月最后一餐饭梗系要食好啲，收工去到九龙湾展览中心新开嘅新潮楼食晚饭。平日夜晚好少人，几台客分得好开坐，坐得好舒服。 点咗个卤水鹅片、鹅肠同墨鱼三拼，鹅肠爽口好食。老公自细钟意食翡翠炒带子，加上XO酱更加惹味。见到有少见菜色虾子肉碎炆鱼肚，鱼肚好入味又唔咸。几饱都食要炒饭嘅老公，对新潮XO酱海鲜炒饭评价系正面嘅，够镬气。而最令我地有惊喜嘅竟然系啫啫虾干虾酱通菜，有好多大大只虾干，师傅手势好，够味又鲜香而唔会死咸。竹笙北菇炖菜胆，系好清嘅汤。福果芋泥有好滑嘅芋泥，又有少少芋粒加口感，蜜饯福果有咬口，系完美嘅结束。