The Stadium (已結業)

第一次幫襯呢一間餐廳，入到門口環境氣氛好好，喺𨋢口已經有部足球機可以玩，好彩有訂枱唔使等好耐，睇食評已經好想食佢嘅薯條同埋拼盤，打卡好正。可惜我地人少。如果多啲人就可以食佢既斧頭扒餐，我實在太餓..唔記得影黑毛豬同卡邦尼意粉..總括黎講呢一餐食物水準同氣氛我會再黎，一定要一大班朋友飲住啤酒食大餐，朋友話我揀得好岩，成功加分。今晚既生日飯朋友們都好滿意。另外小插曲，朋友手殘倒瀉紅酒，serve 我地枱既哥哥仔好快手比左啲紙巾我地清潔同抹枱，仲比左杯soda 水我地抹衫，真心好好人同快手。但辛苦佢啦，咁忙仲搞住佢🎂🍻🥂🍷🥃🍺🍸🍤🍕🥗🥙🍔🥩