必勝客 (已結業)

今个月老公生日，Pizza Hut又有优惠券，就同大少小妹去食佢哋最爱之一嘅Pizza.呢间Pizza Hut面积都几大，有好多卡座，景观又开阳，坐得几舒服。今次要特别介绍嘅系生日pizza，大少又当自己生日，开心影相打卡。拔呼地必胜批呢个批真系好惊喜，窝夫响面外脆内软，有的曲奇碎响窝夫面，下面个批又脆，有蜜桃、士多啤梨，重有d蜜糖，甜甜地，又唔系太甜！我哋一家都钟意食😁香蒜肉丝意粉意粉弹牙，重蒜味，配埋肉丝、萝卜丝、洋葱、青豆炒，个味好夹，一向钟意食。芝士蕃茄肠仔饭个饭好多肠仔，大少好钟意，蕃茄同芝士焗，确系好味。但如果系炒饭底就更好。忌廉蘑菇鸡肉汤忌廉香滑，鸡肉同蘑菇都唔少，热辣辣饮，好暖胃。