La Postre (已結業)

店员服务细心，有礼，有耐性，系最重要的加分位。主打食招牌菜，几乎每枱都有的西班牙海鲜饭，话系二人份，如果唔叫其他野食，呢碟饭两个人都食唔晒。卖相靓，多海鲜，睇见都开心。饭，煮得比较软身，有点可惜。必须注意，饭系辣的，如果怕辣，未必啱食。芝士煎蟹饼，切开发现系鸡蛋批底，放六只蟹箝、芝士同鲣鱼片，一定要趁热食，好饱肚。将杂果麻糬窝夫当做生日蛋糕非常适合，订枱时同店员讲声，就会加块生日牌仔上去，窝夫可以自己拆开变心形饼，sweet sweet。杂果唔系用大路生果，麻糬烟韧配脆皮窝夫，加埋绿茶雪糕，整体感觉非常良好。至于西班牙炒面包酥，只系记得入面啲香肠粒好惹味。Cappuccino啤啤熊拉花咁可爱，满足度高过叫酒饮。