愛茶 (已結業)

抗疫除了做运动，亦需要饮多啲及食多啲健康嘅食物，茶叶嘅抗氧化都好高，今日食完饭特登黎饮杯茶健康一下。呢间原来系英记茶庄开嘅茶饮店，所以主打系中国茶普洱、香片、乌龙茶等炮制嘅饮品。雪峰茶啡其实好似港式鸳鸯，只不过用普洱茶同咖啡混合再加上一层奶泡，饮落比港式鸳鸯茶味更浓，淡淡然嘅茶香，饮完后更有余韵。鲜果冠军乌龙生果多过茶，生果有西柚、西瓜、菠萝、士多啤梨、奇异果同青柠等，生果十分新鲜，乌龙茶比较厚身，茶味浓。