點點甜 (已結業)

食甜品成日心大心细,想食依样又想食果样,所以如果同大班朋友食甜品我就通常会叫几款唔同系列嘅甜品大家一齐开心share。 今次就叫咗芋圆,抹茶同心太软系列。一碗有齐晒芋丸,小丸子,红豆,仙草冻,珍珠同紫薯蓉。绝对啱晒钟意多种囗感同心大心细唔知拣食咩嘅人。不过个冰底就冇咩味要另外再问店员攞花奶同埋练奶,添加味道。依个寳石森林先有齐晒抹茶牛奶雪糕,玄米茶啫喱,白玉,红豆,脆米 同抹茶煎饼。抹茶牛奶扭纹雪糕绿茶味好滑好浓郁,不过牛奶味果边就有少少冰感,白玉非常烟靭,玄米茶啫喱亦有淡淡嘅茶香。心太软焗得外脆内软,伯爵茶味都几突出,但系流心效果并唔系太澎湃。伴碟仲有D玫瑰花干,粟米脆片同埋豆腐雪糕,我个人就认为心太软同豆腐雪糕就唔太相衬,都系配返云呢拿味雪糕会好味D。