泰.夯蝦 (已結業)

好耐无来荃湾，做完嘢见到呢间餐厅主打流水虾，上网查看后，感觉得意又新奇，5点前食仲有75折。全部座位旁都有一个水缸放了大量新鲜虾，其他海鲜便要走出去拿，仲有肉类、酸辣汤、刺身及饮品任饮，款式亦算唔少。每枱送新鲜鲍鱼及带子，饱鱼会有侍应帮手清肠后再烧，细心亦食得放心。带子亦十分鲜甜。主角当然系流水虾，新鲜的虾其实都几难挟实，真系要眼明手快，挟实后放在冰桶来冻1分钟，剪头剪触须后就可以烧，虾肉鲜甜结实，加泰式酸辣酱，好正。生蚝及圣子亦都唔错，全部都好新鲜。鸡翼、牛仔骨、猪肉、鸭肾及鸡软骨，每样都试吓，猪肉够肥美，腌制入味。