新南苑私房菜火鍋鷄煲 (海德中心) (已結業)

边炉之友又话去打边炉， 哗! 日日三十几度㖞! 得，我明，”边个话要冬天先打边炉㖞” 好，一于奉陪。听闻呢间啲海鲜够正，一入门口见到有个大鱼池放满海鲜，应该唔错。呢度除咗大堂放咗十张八张枱外，仲有几间VIP房，写上家政室，体育室，校长室等等，好有趣呀先嚟招牌鬼马鸡煲，我哋叫咗走辣，但系都好香好惹味，啲鸡喺个煲上面炒炒下，香气四溢，食落鸡肉仲好嫩滑见到有新推介，冬海龙王汤底，一于试下。冬瓜加上龙趸，仲配有粟米，冬菇，啖汤好清甜 冬瓜预先界开一格格，方便食用， 抵赞海鲜拼盘有，虾，龙虾，龙趸片，蚬，海参，鲍鱼唔系一般货色㖞，海鲜够新鲜，最爱鲍鱼，美味又唔韧，食到唔停口。手打肉丸，够弹牙。小笼包，内里充满肉汁。本地手切牛颈脊，脂肪分布均匀。摆放得好靓嘅蔬菜仲可以任点任食其他火锅配料，好多选择，其实饱咗大半喇。冇理由唔点火锅必备嘅乌冬同出前一丁，索晒啲汤，零舍好味。仲叫咗响铃同冰豆腐，都系吸晒啲汤，因为个汤实在太美味啦最后仲有甜品附送。饮品，酱料任拿。食到饱饱，睇下边炉之友几时有抽起条筋又话要打边炉。