影片
更多
2016-06-03
517 浏览
今日一班人系尖沙咀广东道睇完戏，周围行，谂紧有咩啱大伙儿一齐开心食。打边炉系常规之选，不过有两三个话早两日先打完边炉，想食其他野，甘有人提议不如去庙街大排档食小炒海鲜，队下beer ，又可以坐耐d. 甘我地成班就踏入庙街，即见到一间叫德哥火锅嘅店有好多客人排队，睇嚟好似好好食甘，好彩呢度唔只系火锅店，仲有一个首创浩瀚桑拿海上鲜，朋友仔提议不如就试下呢间试吓啦，因为我地一班人系广东道行左成日，已经好攰喇，再行到油麻地太辛苦，所以临时改阵食德哥。见到首创既桑那海鲜餐 HK 388/ 2 位起，我地都好兴奋想试！呢个海鲜餐包罗万有，唔洗自己谂，几好，店家话呢个锅既海鲜全部都取材新鲜活海鲜，保证新鲜，一睇个menu ，哗，数得出既美味海鲜都榜上有名，包括: 花蛤、流浮山生蚝、海生虾、鲜带子、沙巴龙趸、农场鸡、花蟹、吊桶仔。配菜: 冬瓜件、豆卜、鲜冬菇、娃娃菜、乌冬由于海鲜准备需时，我哋太心急啦，就叫咗前菜同啤酒，系咁多款唔同嘅前菜当中，我最钟意食就系呢个炸响铃。平时呢款小食通常都系打边炉先至会叫，原来直接食都好酥脆，香脆无比，加上佢哋秘制嘅酸汁，非常醒胃。建议大家试吓。除咗啤酒之外，我见到其他
打边炉系常规之选，不过有两三个话早两日先打完边炉，想食其他野，甘有人提议不如去庙街大排档食小炒海鲜，队下beer ，又可以坐耐d.
甘我地成班就踏入庙街，即见到一间叫德哥火锅嘅店有好多客人排队，睇嚟好似好好食甘，好彩呢度唔只系火锅店，仲有一个首创浩瀚桑拿海上鲜，朋友仔提议不如就试下呢间试吓啦，因为我地一班人系广东道行左成日，已经好攰喇，再行到油麻地太辛苦，所以临时改阵食德哥。
见到首创既桑那海鲜餐 HK 388/ 2 位起，我地都好兴奋想试！呢个海鲜餐包罗万有，唔洗自己谂，几好，店家话呢个锅既海鲜全部都取材新鲜活海鲜，保证新鲜，一睇个menu ，哗，数得出既美味海鲜都榜上有名，包括: 花蛤、流浮山生蚝、海生虾、鲜带子、沙巴龙趸、农场鸡、花蟹、吊桶仔。
配菜: 冬瓜件、豆卜、鲜冬菇、娃娃菜、乌冬
由于海鲜准备需时，我哋太心急啦，就叫咗前菜同啤酒，系咁多款唔同嘅前菜当中，我最钟意食就系呢个炸响铃。
平时呢款小食通常都系打边炉先至会叫，原来直接食都好酥脆，香脆无比，加上佢哋秘制嘅酸汁，非常醒胃。建议大家试吓。
除咗啤酒之外，我见到其他枱上嘅客人都有啲一支支粉红色嘅冻饮，所以我哋都叫咗支试下，呢支系由山楂做主材料嘅冻饮，冇酸莓汁咁酸，味道较淡，非常清新，微微的酸酸甜甜好开胃呀！
个盘主菜终于上台啦，佢用锡纸封住，店员话呢一款海鲜既煮法系用蒸同焗熟，以保存新鲜海产佢嘅原汁原味。听落好有特色。
海鲜焗煮熟后，再加少少特制豉油，就可以直接食用嘞。食嘅系海鲜原味同佢嘅鲜甜，所以如果材料唔新鲜，就会好容易食得出。佢既然以呢种做法咁有自信，我相信食起黎一定有惊喜。
焗到差唔多，锡纸剪开，一阵海鲜嘅鲜味扑鼻而来！店员添上佢哋秘制嘅酱汁，跟住我哋就可以自由开餐啦！最注目嘅系中间𠮶条沙巴龙趸。
各式各样嘅海鲜，正所谓宝物沉归底，我地各人各自找寻心中所爱。切开沙巴龙趸同大虾后，沉底既系流浮山生蚝同带子。
一路食一路寻宝嘅感觉非常开心。其实有少少似食盆菜，只不过盆菜系以肉类最多，呢个全部都系新鲜嘅海鲜。雪白嘅沙巴龙趸肉非常幼嫩，肉质如丝般顺喉。好正！
海虾亦都非常之大只同新鲜。虾头充满着新鲜嘅虾膏。个新鲜程度令人意外！食完一只又一只！
对于店家用咗咁多新鲜嘅材料，每位先至388。其实一啲都唔贵，建议大家一起得菜就好博命食，因为海鲜系要火候啱啱好时最好食，如果任佢煲反而会过咗火位。
佢嘅海鲜浓汤底，唔使讲大家都可以想像到系集全部海鲜精华所在，简直甜到入心入肺！呢个套餐仲包埋乌冬，所以你睇吓我自制左一碗浓汤海鲜乌冬，几咁吸引！因为呢一个汤底，我连食三碗乌冬。
以我个人来讲，呢个套餐系一定够饱。个精华浓汤实在食得唔好嘥，所以叫多几个乌冬系常识。
终于明点解呢一个叫做桑那海鲜，原来靓嘅海鲜，系用桑拿焗出嚟先最鲜甜，哈哈。。。。
张贴
