影片
更多
2018-06-28
69 浏览
大热天时最钟意喺冷气房打边炉，咁啱今日去开石硖尾做野，又要同好朋友庆祝生日，佢就提议不如喺附近睇吓有无得打边炉。佢钟意打边炉有海鲜食，见到呢间主打海鲜，又有刺身，就决定入去试吓。入到去见到有个番茄海鲜锅，就二话不说即刻点左先，之后再慢慢睇下有咩配料。咁啱老细听到我同朋友都系呢个月生日，就同我地讲生日月份系有刺身送。当食紧刺身嘅时候个海鲜煲就嚟到，首先上左个番茄汤，一嚟到已经闻到好浓嘅蕃茄味，我记得老板好似话用咗四十几斤蕃茄嚟嘅，所以啲汤先咁香浓，等滚左之后侍应就将海鲜倒埋落去，d青口好大只睇见都好兴奋。不嬲打边炉都好钟意食午餐肉，呢度仲有好邪恶嘅炸午餐肉，即刻叫番碟嚟试吓。黎到之后我同朋友已经忍唔住就咁食咗两三件，外脆内软，唔系怕肥嘅话真系好想叫多碟！打边炉梗系唔少得牛肉啦一于试吓佢个三拼(本地手切牛颈脊,安格斯牛小排,牛展)，牛颈脊脂肪比例一流，都算得上系入口即溶，而牛小排同牛展就比较肉味香浓。下次多几个人一定会叫最大𠮶个牛肉拼盘，可以试晒咁多款牛肉。个即炸紫菜响铃非常之松脆，上到枱仲热辣辣，𠮶啲包装即食响铃完全比唔上。蔬菜类嘅我哋就叫咗新鲜淮山同埋竹笙，竹笙煮完吸晒啲番茄汤真系超级
入到去见到有个番茄海鲜锅，就二话不说即刻点左先，之后再慢慢睇下有咩配料。咁啱老细听到我同朋友都系呢个月生日，就同我地讲生日月份系有刺身送。
当食紧刺身嘅时候个海鲜煲就嚟到，首先上左个番茄汤，一嚟到已经闻到好浓嘅蕃茄味，我记得老板好似话用咗四十几斤蕃茄嚟嘅，所以啲汤先咁香浓，等滚左之后侍应就将海鲜倒埋落去，d青口好大只睇见都好兴奋。
不嬲打边炉都好钟意食午餐肉，呢度仲有好邪恶嘅炸午餐肉，即刻叫番碟嚟试吓。黎到之后我同朋友已经忍唔住就咁食咗两三件，外脆内软，唔系怕肥嘅话真系好想叫多碟！打边炉梗系唔少得牛肉啦一于试吓佢个三拼(本地手切牛颈脊,安格斯牛小排,牛展)，牛颈脊脂肪比例一流，都算得上系入口即溶，而牛小排同牛展就比较肉味香浓。下次多几个人一定会叫最大𠮶个牛肉拼盘，可以试晒咁多款牛肉。
个即炸紫菜响铃非常之松脆，上到枱仲热辣辣，𠮶啲包装即食响铃完全比唔上。
蔬菜类嘅我哋就叫咗新鲜淮山同埋竹笙，竹笙煮完吸晒啲番茄汤真系超级正！
另外仲叫咗蜂巢豆腐同招牌水饺，个水饺真心唔错，粒粒都咁大只，每只都有鲜肉，木耳丝，同埋两只虾，食得出非常之新鲜。
成餐饭都感到啲服务非常之好，店员亦都好细心，会主动帮你换碟。今次呢餐满足晒我呢个边炉怪，期待下一次揾多几个朋友一齐黎，可以再叫多啲款嘅配料。
张贴
