影片
更多
2019-07-29
44 浏览
第一次去食蒸海鲜，我见有自选同埋任食所以就同左两个朋友一齐去食，唔使惊食唔饱呀嘛！咁个套餐呢都好多嘢拣嘅，首先第一样呢就三拣一粥底嚟嘅我哋就拣咗瑶柱鲜淮山粥，之后呢佢就会再有一个自选海鲜每位呢个客人可以拣四款海鲜，我哋拣咗生猛大元贝、圣子王、生猛海虾、生猛先鲍鱼,另外我哋仲加钱用咗$98加咗一只生猛龙虾，真系劲抵食啲虾肉非常之弹牙鲜味同埋仲有劲多虾膏添；跟住仲有两个必定有嘅食物，一个就系烧乳鸽另外一个就系贝壳拼盘，平时见d蒸海鲜真系未见过有烧乳鸽，仲要整得好好味热辣辣啲皮劲香，个贝壳拼盘亦都劲新鲜；最后我哋就系咁椅点左一啲任食嘅嘢我觉得个手剁鲜虾丸好好食，同埋一定一定一定要食嘅马拉糕
张贴
