泰式食

营业中

休息中

朋友话想食泰国菜，于是我地就黎到铜锣湾嘅泰式食泰菜。我地order左芝士焗蚝，泰式金边粉，沙拉虾，肉碎生菜包，泰式冬荫功汤同埋炸鱼饼。首先讲下芝士焗蚝，一碟有4件，蚝上面有好多芝士，有芝士香味，d蚝好重蚝味好多汁，冇沙，如果可以加少少洋葱同蒜嘅话，口感会更加好。个人觉得最好食嘅系肉碎生菜包同埋泰式冬荫公汤。生菜包嘅肉碎炒得好香好浓味，如果就咁食会觉得咸左d，但系配埋生菜就好好食。泰式冬荫公汤第一下饮落去唔辣，但系越饮越觉得辣辣地，而且唔会好油，正! 下次再黎嘅一定会encore冬荫公汤同生菜包。但系今次佢嘅泰式金边粉冇以前整得咁好食，有少少失望，而且炸鱼饼亦都麻麻地。野饮方面一定要饮佢嘅珍多冰，好好饮，好重椰子味。